1 Samuel 25:23 - An Bibel Kernewek 20234 (Kernewek Kemmyn)

²³ Pan welas Abigayl Davydh, hi a fistenas ha diyskynna dhiworth an asen, ha koedha a-rag Davydh war hy fas hag omblegya dhe'n dor.

1 Samuel 25:23 ပူးပေါင်းရင်းမြစ်များ

2 Samuel 1:2

Y'n tressa dydh, gour a dheuth yn-mes a gamp Sowl gans y dhillas skwardys, ha gans dor war y benn. Pan dheuth dhe Davydh, ev a goedhas dhe'n leur hag omblegya.

2 Samuel 14:4

Pan dheuth an Tekoyades dhe'n myghtern, hi a goedhas war hy fas dhe'n dor hag omblegya, ha leverel, ‘Gweres dhymm, A vyghtern!’

2 Samuel 18:28

Ena Ahimaas a armas dhe'n myghtern, ‘Oll yw da.’ Hag ev a omblegyas dherag an myghtern gans y fas dhe'n dor ha leverel, ‘Benniges re bo an Arloedh dha Dhuw, re dhelivras yn-bann an wer a dhrehevis aga dorn erbynn ow arloedh an myghtern.’

2 Samuel 9:6

Mefibosheth mab Yonathan mab Sowl a dheuth dhe Davydh, hag ev a goedhas war y fas, hag omblegya. Ha Davydh a leveris, ‘Mefibosheth!’ Ev a worthybis, ‘Ottavy, dha was!’

1 Kroniklys 21:21

Pan dheuth Davydh dhe Ornan, Ornan a viras ha gweles Davydh, hag ev eth yn-mes a'n leur-drushya, hag omblegya dhe Davydh gans y fas dhe'n leur.

Yoshua 15:18

Pan dheuth hi dhodho, hi a ynnias warnodho pysi park dhiworth hy thas. Hi a dhiyskynnas a'y asen, ha Kaleb a leveris dhedhi, ‘Pandr'a vynnydh?’

Breusysi 1:14

Pan dheuth hi dhodho, hi a ynnias warnodho govynn orth hy thas park; ha hi a dhiyskynnas a'y asen, hag yn-medh Kaleb dhedhi, ‘Pandr'a vynn'ta?’

Ruth 2:10

Ha hi a goedhas war hy fas hag omblegya dhe'n dor, ha leverel dhodho, ‘Prag y kevis vy gras y'th tewlagas, ty dhe'm aswonn, ha my estren?’

1 Samuel 20:41

Ha kettell veu an maw gyllys, Davydh a sevis yn-bann dhiworth tenewen an krug a veyn, ha koedha war y fas dhe'n leur. Ev a blegyas dhe'n dor teyrgweyth, hag i a ammas an eyl dh'y gila, hag i a oelas an eyl gans y gila; mes Davydh a oelas moy.

1 Samuel 24:8

Ena Davydh a sevis ha mos yn-mes a'n kav ha gelwel war-lergh Sowl, ow leverel, ‘Ow arloedh an myghtern.’ Ha pan dreylyas Sowl war-dhelergh, Davydh a blegyas gans y fas troha'n leur, ha plegya dhe'n dor.

1 Samuel 25:24

Hi a goedhas orth y dreys, ha leverel, ‘Warnav vy ow honan, ow arloedh, bedhes an blam, my a'th pys, gas dha vaghteth dhe gewsel y'th tiwskovarn, ha klew geryow dha vaghteth.

1 Samuel 25:41

Ha hi a sevis ha plegya dhe'n dor, gans hy fas orth an dor, ha leverel, ‘Otta, dha vaghteth yw kethes dhe wolghi treys gwesyon ow arloedh.’