1 Samuel 25:21 - An Bibel Kernewek 20234 (Kernewek Kemmyn)

²¹ Lemmyn Davydh re lavarsa, ‘Yn sur yth o yn euver my dhe witha oll a'n jeves an gwas ma y'n gwylvos, ma nag esa travyth kemmerys dhiworth oll a bewva; mes ev re dhehwelis dhymm drog yn le da.

1 Samuel 25:21 ပူးပေါင်းရင်းမြစ်များ

Jenesis 44:4

Wosa i dhe asa an sita, heb bos gyllys pell, yn-medh Yosep dhe rewler y ji, ‘Sav, gwra chasya war-lergh an wer. Wosa dos bys dhedha, lavar dhedha, “Prag y hwrussowgh attyli an da gans an drog?

Job 30:8

Mebyon goeg ha vil, i re beu tewlys yn-mes a'n tir.

Salmow 35:12

I a attylis dhymm drog rag da, ha hemma o kollva dhe'm enev.

Salmow 37:8

Treyl dhiworth sorr, ha gas koler; na vrogh, ma na wrylli drogober.

Salmow 38:20

Ha'n re a attal drog rag da yw ow eskerens rag my a hol dader.

Lavarow Koth 17:13

Mar attal nebonan drog rag da, nyns a drog nevra dhiworth y ji.

Yeremia 18:20

A vydh drogedh attylys rag da? Rag i re balasas pytt rag ow enev. Porth kov my dhe sevel a-ragos dhe gewsel da ragdha, dhe dreylya dha sorr a-dhiworta.

Romanyon 12:21

Na vedhewgh fethys gans an drog, mes fethewgh an drog gans an da.

Efesianys 4:26

‘Bedhewgh serrys ha na wrewgh pegha.’ Na wres an howl sedhi war agas sorr,

Efesianys 4:31

Bedhes pub hwerowder ha sorr ha konnar ha garma serrys ha sklander gorrys mes ahanowgh, gans pub drog.

1 Thessalonianys 5:15

Gwaytyewgh nag attallo denvyth drog rag drog, mes pup-prys siwyewgh an pyth yw da, an eyl rag y gila, ha rag pub den oll.

1 Peder 3:17

Rag gwell yw godhevel ow kul dader, mar mynn bodh Duw, ages gul drog.

1 Peder 3:9

heb attyli drog rag drog na despit rag despit, mes yn le henna bennath, rag dhe henna y fewgh hwi gelwys, may hwrellewgh erita bennath.

1 Samuel 25:13

Yn-medh Davydh dh'y wer, ‘Kelmewgh agas kledhedhyow warnowgh, hwi oll.’ Ytho pub gour a golmas y gledha warnodho; Davydh ynwedh a golmas y gledha warnodho; hag a-dro dhe beswar kans gour eth yn-bann war-lergh Davydh, ha dew kans a wortas gans an fardellow.

1 Samuel 25:15

Mes an wer o pur dha troha ni, ha ny wrussons drog er agan pynn, ha nyns esa travyth kemmerys ahanan pan esen y'n prasow, oll an dydhyow mayth esen gansa;

1 Samuel 25:20

Pan varghogas hi war an asen ha dos yn-nans yn-dann gudhans an menydh, otta, Davydh ha'y wer a dheuth yn-nans troha hi; ha hi a's dyerbynnas.

1 Samuel 25:7

My a glew bos dha wer ow knyvyas dha dheves; lemmyn dha vugeledh dheves re beu genen, ha ny wrussyn drog er agas pynn, ha nyns esa travyth kemmerys anedha der oll an termyn mayth esens yn Karmel