1 Samuel 25:19 - An Bibel Kernewek 20234 (Kernewek Kemmyn)

¹⁹ ha leverel dh'y gwesyon, ‘Kewgh yn-rag a-dheragov; my a vydh ow tos war agas lergh.’ Mes ny dherivas hi orth hy gour.

1 Samuel 25:19 ပူးပေါင်းရင်းမြစ်များ

Jenesis 32:16

Hag ev a dhelivras yntra diwla y gethyon pub gre yn tiblans ha leverel dh'y gethyon, ‘Tremenewgh dheragov, ha gasa spas yntra pub gre.’

Jenesis 32:19

Hag ev a erghis ynwedh dhe'n nessa ha'n tressa hag oll an re esa ow mos war-lergh an greow, ow leverel, ‘Hwi a gews orth Esaw yndella pan y'n kyffowgh,

Jenesis 32:20

ha hwi a lever ynwedh, “Awotta, yma dha was Yakob war agan lergh.” ’ Rag yn-medh ev, ‘My a vynn y dhiserri gans ro ow mos a-dheragov, ha my a wel y fas wosa henna. Martesen ev a'm degemmer.’

Jenesis 32:21

Ha'n ro a dremenas dheragdho; hag ev y honan a spenas an nos y'n kamp.

Lavarow Koth 31:27

Hi a with war negys hy theylu, ha ny dheber an bara a dhiekter.

1 Samuel 14:1

Unn jydh Yonathan mab Sowl a leveris dhe'n gour yowynk esa ow toen y arvow, ‘Deus, ha treusyn dhe savla-goelyadoryon an Filistysi usi a'n tu arall.’ Mes ny'n derivas orth y das.

1 Samuel 25:20

Pan varghogas hi war an asen ha dos yn-nans yn-dann gudhans an menydh, otta, Davydh ha'y wer a dheuth yn-nans troha hi; ha hi a's dyerbynnas.

1 Samuel 25:36

Abigayl a dheuth dhe Nabal; hag, otta, yth esa ev ow synsi kevewi yn y ji, kepar ha kevewi myghtern. Ha kolonn Nabal o lowenek a-ji dhodho, rag ev o pur vedhow; rakhenna ny dherivas hi travyth orto, byghan na bras, bys yn golow myttin.