1 Samuel 22:16 - An Bibel Kernewek 20234 (Kernewek Kemmyn)

¹⁶ Mes an myghtern a leveris, ‘Ty a verow yn sur, Ahimelek, ty hag oll chi dha das.’

1 Samuel 22:16 ပူးပေါင်းရင်းမြစ်များ

1 Myghternedh 18:4

pan esa Yezebel ow ladha profoesi an Arloedh, Obadia a gemmersa kans profoes, aga hudha yn mogowyow, hanter kans yn pubonan, ha'ga sostena gans bara ha dowr.

1 Myghternedh 19:2

Ena Yezebel a dhannvonas kannas dhe Elias, ow leverel, ‘Yndellma re wrello an duwow dhymm, ha moy keffrys, mar ny wrav dha vewnans avel bewnans onan anedha erbynn an termyn ma a-vorow.’

Ester 3:6

Mes ev a skornyas settya dalghenn yn Mordekay y honan heb denvyth arall; rag i a dherivsa dhodho piw o pobel Mordekay. Ytho Haman a hwilas distrui oll an Yedhewon esa yn oll gwlaskor Ahasuerus, pobel Mordekay.

Lavarow Koth 28:15

Avel lew owth usa po ors owth omsettya yw drog rewler war bobel boghosek.

Daniel 2:12

Rag hemma, an myghtern eth yn sorr hag a wrug fernewi yn feur, hag a erghis may fe distruys pub den fur a Babylon.

Daniel 2:5

An myghtern a worthybis dhe'n Kaldeanys ow leverel, ‘An mater re beu ervirys genev: mar ny'm gwrewgh dhe gonvedhes an hunros ha'y styr, y fydhowgh hakkys dhe demmyn, ha'gas chiow a vydh treylys dhe vern teyl.

Matthew 2:16

Ena Herod ow kweles ges dhe vos gwrys anodho gans an dus fur o meur serrys hag a dhannvonas ha ladha oll an fleghes esa yn Bethlehem hag yn oll an pow a-dro, a dhew vloedh ha le ages henna, herwydh an termyn a dhys'sa gans an dus fur.

Oberow 12:19

Ha pan y'n hwilas Herod heb y gavoes, ev a hwithras an withysi ha gorhemmynna may fens gorrys dhe'n mernans; hag ev eth yn-nans dhiworth Yudi dhe Sesarea ha gortos ena.

Dewteronomi 24:16

Ny vydh tasow gorrys dhe'n vernans rag mebyon, ha ny vydh mebyon gorrys dhe'n mernans rag tasow. Peub a vydh gorrys dhe'n mernans rag y beghes y honan.

1 Samuel 14:44

Ha Sowl a worthybis, ‘Re wrello Duw yndella dhymm ha moy ynwedh; ty a verow yn sur, Yonathan.’

1 Samuel 20:31

Rag hedre vewo mab Yesse war an norvys, ny vydh naneyl ty na'th wlaskor fastys. Ytho dannvon ha kyrgh ev dhymm, rag ev a verow.’

1 Samuel 22:15

Yw hedhyw an kynsa gweyth my dhe wovynn orth Duw ragdho? Pell bedhes dhiworthiv! Na wres an myghtern askrifa travyth dh'y was, na dhe oll chi ow thas; rag ny wodhya dha was travyth a hemma, na byghan na bras.’

1 Samuel 22:17

Ha'n myghtern a leveris dhe'n gorfwithysi esa ow sevel a-dro dhodho, ‘Treylyewgh, ha ledhewgh oferysi an Arloedh, drefenn bos aga leuv ynwedh gans Davydh; ha drefenn i dhe wodhvos ev dhe fia, ha ny'n derivsons dhymm.’ Mes ny vynna gwesyon an myghtern ystynn aga dorn dhe goedha war oferysi an Arloedh.