1 Samuel 21:8 - An Bibel Kernewek 20234 (Kernewek Kemmyn)

⁸ Davydh a wovynnis orth Ahimelek, ‘A nyns eus guw vyth po kledha omma genes? Rag ny dhres genev naneyl ow kledha na'm arvow, drefenn bos edhomm a fysk rag negys an myghtern.’

1 Samuel 21:8 ပူးပေါင်းရင်းမြစ်များ

Ester 8:14

An kannasow, marghogyon war vergh skav, askorr ryel, a ehwias yn-mes toeth da, ynniys gans gorhemmynn an myghtern. An arghadow a veu dyllys yn Shushan an bennsita.

Luk 10:4

Na degewgh pors, na skryp, nag eskisyow, ha na salusewgh denvyth war an fordh.

1 Samuel 21:7

Lemmyn yth esa ena neb unn gour a wesyon Sowl an jydh na, gwithys a-dherag an Arloedh; Doeg o y hanow, Edomyas, an chyf a vugeledh Sowl.

1 Samuel 21:9

Yn-medh an oferyas, ‘Kledha Goliath an Filistyas, neb a ledhsys yn nans Ela, ottava, maylys yn kweth a-dryv an efod; mar mynnydh y gemmeres, kemmer e, rag nyns eus travyth arall y'n tyller ma saw henna.’ Yn-medh Davydh, ‘Heb parow yw; ro e dhymm.’

1 Samuel 22:22

Yn-medh Davydh dhe Abiathar, ‘My a wodhya y'n jydh na, pan esa Doeg an Edomyas ena, ev dhe vynnes yn sur derivas dhe Sowl. My re beu an kaws a vernans oll chi dha das.

1 Samuel 22:9

Ena Doeg an Edomyas, neb o settys dres wesyon Sowl, a worthybis, ‘My a welas mab Yesse ow tos dhe Nob, dhe Ahimelek mab Ahitub;