1 Samuel 21:7 - An Bibel Kernewek 20234 (Kernewek Kemmyn)

⁷ Lemmyn yth esa ena neb unn gour a wesyon Sowl an jydh na, gwithys a-dherag an Arloedh; Doeg o y hanow, Edomyas, an chyf a vugeledh Sowl.

1 Samuel 21:7 ပူးပေါင်းရင်းမြစ်များ

Jenesis 26:20

Mes bugeledh Gerar a strivyas gans bugeledh Ysak, ow leverel, ‘Yma'n dowr dhyn ni.’ Ytho ev a elwis an puth Esek drefenn i dhe strivya ganso.

1 Kroniklys 27:29

War an greow a beuri yn Sharon yth esa Shitray an Sharonyas; ha war an greow y'n nansow yth esa Shafat, mab Adlay.

1 Kroniklys 27:31

war an flokkys yth esa Yaziz an Hagryas. Oll an re ma a'n jevo charj a bythow myghtern Davydh.

2 Kroniklys 26:10

Ev a dhrehevis touryow y'n gwylvos hag ev a balas lies dowrargh, rag ev a'n jevo greow bras, keffrys y'n Shefela hag y'n plen. Hag ev a'n jevo tiogyon ha gonedhysi gwinlannow y'n vro venydhyek hag y'n tiryow feyth, rag ev a garas an dor.

Ezekiel 33:31

I a dheu dhis, kepar dell yw usadow an bobel dhe wul, hag i a esedh a-ragos, ha klewes dha eryow, mes ny wrons war aga lergh. Rag yma gowyow yn aga ganow, hag yma aga holonn ow mos war-lergh aga gwayn anewn.

Levitikus 22:10

Ny dheber estren vyth tra sans. Ny dheber tra sans naneyl godriger a'n oferyas, na gwas arvethys.

Levitikus 22:13

Mes myrgh oferyas, mars yw gwedhwes po didhemmedhys, ha heb flogh, ha dehwelys dhe ji hy thas kepar hag yn hy yowynkneth, hi a yll dybri boes hy thas, mes ny'n deber estren vyth.

Levitikus 24:5

Ha ty a gemmer bleus fin ha pobas dewdhek tesenn rond ganso. Diw dhegves rann a efa a vydh yn unn desenn.

Levitikus 24:8

Pub sabot ev a'n aray prest dherag an Arloedh, a-barth mebyon Ysrael, kevambos bys vykken.

Amos 8:5

ow leverel, ‘P'eur fydh tremenys an loer nowydh, may hyllyn gwertha greun? ha'n sabot, may hyllyn igeri marghas an ys’ – ow lehe an efa, ow kressya an shekel, hag ow toella gans fals vantolyow,

Matthew 15:8

“An bobel ma a'm enor gans aga diwweus, mes pell yw aga holonn dhiworthiv;

1 Samuel 11:5

Lemmyn yth esa Sowl ow tos a-dhiworth an gwel a-dryv an chatel; ha Sowl a leveris, ‘Pandr'a hwer dhe'n bobel? Prag yth esons i owth oela?’ Ytho i a dherivas dhodho geryow gwer Yabesh.

1 Samuel 14:47

Ytho Sowl a gemmeras an myghternsys war Ysrael, ha batalyas orth oll y eskerens a bub tu, erbynn Moab, hag erbynn an Ammonysi, hag erbynn Edom, hag erbynn myghternedh Soba, hag erbynn an Filistysi; ha plepynag y treylya, ev a dryghis.

1 Samuel 21:8

Davydh a wovynnis orth Ahimelek, ‘A nyns eus guw vyth po kledha omma genes? Rag ny dhres genev naneyl ow kledha na'm arvow, drefenn bos edhomm a fysk rag negys an myghtern.’

1 Samuel 22:10

ev a wovynnas orth an Arloedh ragdho, ha ri dhodho boes, ha ri dhodho kledha Goliath an Filistyas.’

1 Samuel 22:22

Yn-medh Davydh dhe Abiathar, ‘My a wodhya y'n jydh na, pan esa Doeg an Edomyas ena, ev dhe vynnes yn sur derivas dhe Sowl. My re beu an kaws a vernans oll chi dha das.

1 Samuel 22:9

Ena Doeg an Edomyas, neb o settys dres wesyon Sowl, a worthybis, ‘My a welas mab Yesse ow tos dhe Nob, dhe Ahimelek mab Ahitub;