1 Samuel 20:5 - An Bibel Kernewek 20234 (Kernewek Kemmyn)

⁵ Hag yn-medh Davydh dhe Yonathan, ‘Y fydh an loer nowydh a-vorow, ha ny allav fyllel esedha gans an myghtern orth an prys-boes; mes gas vy dhe dhones, may hylliv omgudha y'n gwel bys y'n tressa gorthugher.

1 Samuel 20:5 ပူးပေါင်းရင်းမြစ်များ

2 Myghternedh 4:23

Hag ev a leveris, ‘Prag y fynnydh mos dhodho hedhyw? Nyns yw na loer nowydh na sabot.’ Ha hi a leveris, ‘Y fydh da.’

Salmow 55:12

Rag ny veu eskar neb a'm skornyas; mara pe, my a'n porthsa; ha nyns o an den a'm kasas neb a'm despityas; mara pe, my a omgudhsa ragdho;

Salmow 81:3

Hwythewgh an trompa y'n loer nowydh, y'n loer leun, yn agan dy'goel.

Lavarow Koth 22:3

An den doeth a wel peryll hag omgudh, mes an re sempel a yn-rag hag a be an pris.

Amos 8:5

ow leverel, ‘P'eur fydh tremenys an loer nowydh, may hyllyn gwertha greun? ha'n sabot, may hyllyn igeri marghas an ys’ – ow lehe an efa, ow kressya an shekel, hag ow toella gans fals vantolyow,

Niverow 10:10

Yn dydh agas lowena ynwedh, hag yn agas goelyow ordenys, hag yn dalleth agas misyow, hwi a wra hwytha an hirgern war agas offrynnow dre dan ha war sakrifisow agas offrynnow kres; i a vydh dhywgh avel kovadh a-rag agas Duw: my yw an Arloedh agas Duw.

Niverow 28:11

Yn dallethow agas misyow ty a wra offrynna offrynn leskys dhe'n Arloedh: dew darow yowynk, unn hordh, seyth oen unn bloedh heb namm;

Yowann 8:59

Ena i a gemmeras meyn dhe dewlel orto; mes Yesu a omgudhas ha gasa an tempel.

Oberow 17:14

Ytho, an vreder a dhannvonas Powl dhe-ves, rag mos dhe'n mor; mes Silas ha Timothi a wortas ena.

Kolossianys 2:16

Ytho, na wres denvyth agas breusi a-dro dhe dhybri nag eva, nag y'n mater a dy'goel na loer nowydh na sabot,

1 Samuel 19:2

Yonathan a dherivas orth Davydh, ‘Ow thas Sowl a vynn dha ladha; rakhenna bydh war ternos vyttin; gorta yn tyller kevrinek hag omgudh.

1 Samuel 20:18

Ena yn-medh Yonathan dhe Davydh, ‘Y fydh an loer nowydh a-vorow; hag y fydh govynnys yn ter a-dro dhis, rag dha dyller a vydh gwag.

1 Samuel 20:19

Wosa tri dydh, ty a wra mos yn-nans bys y'n tyller mayth omgudhsys kyns, ha gortos ena ryb an krug a veyn.

1 Samuel 20:24

Ytho Davydh a omgudhas y'n gwel. Ha pan dheuth an loer nowydh an myghtern a esedhas dhe dhybri.

1 Samuel 20:27

Mes y'n nessa dydh, an jydh wosa an loer nowydh, tyller Davydh o gwag. Yn-medh Sowl dh'y vab Yonathan, ‘Prag na dheuth mab Yesse dhe dhybri, naneyl de, na hedhyw?’

1 Samuel 20:4

Ena yn-medh Yonathan dhe Davydh, ‘Pynag a vo dha vodh, my a'n gwra ragos.’

1 Samuel 20:6

Mar kovynn dha das yn ter a-dro dhymm lavar, “Davydh a wovynnas yn tiwysyk kummyas orthiv poenya dhe Bethlehem y sita; rag yma sakrifis blydhenyek ena rag oll an teylu.”