1 Samuel 2:18 - An Bibel Kernewek 20234 (Kernewek Kemmyn)

¹⁸ Mes yth esa Samuel ow servya a-dherag an Arloedh, maw dell o, grogysys gans efod a lien.

1 Samuel 2:18 ပူးပေါင်းရင်းမြစ်များ

2 Samuel 6:14

Ha Davydh a dhonsyas dherag an Arloedh gans oll y nerth; ha Davydh o grogysys gans efod a lien.

1 Kroniklys 15:27

Davydh a veu gwiskys yn goen a sendal, dell o ynwedh oll an Levysi neb a dhug an argh, ha'n ganoryon, ha'n pennkenyas Kenania a'n jevo charj a'n ganoryon. Davydh ynwedh a wiskas efod lien.

Eksodus 28:4

An re ma yw an gwiskasow a wrons: lurik, efod, pows, mantell a vrithweyth, tulyfant ha grogys; i a wra gwiskasow sans rag Aron dha vroder ha'y vebyon dhe'm servya avel oferysi.

Levitikus 8:7

Hag ev a'n gwiskas y'n bows ha kelmi an grogys a-dro dhodho ha'y wiska y'n vantell ha gorra an efod warnodho ha kelmi grogys an efod a-dro dhodho.

1 Samuel 14:3

war-barth gans Ahiya mab Ahitub, broder Ikabod, mab Finehas mab Eli, oferyas an Arloedh yn Shilo, ow toen an Efod. Ha ny wodhya an bobel bos Yonathan gyllys.

1 Samuel 2:11

Ena Elkana eth dhe Rama dh'y ji, hag yth esa an maw ow servya a-dherag an Arloedh y'n lok Eli.

1 Samuel 2:28

My a'n dewisas mes a oll loethow Ysrael dhe vos ow oferyas, dhe vones yn-bann dhe'm alter, dhe leski ynkys, dhe wiska efod a-dheragov; ha my a ros dhe ji dha das oll an offrynnow gwrys gans tan gans tus Ysrael.

1 Samuel 22:18

Ena an myghtern a leveris dhe Doeg, ‘Ty, Doeg, treyl ha koedh war an oferysi.’ Ytho Doeg an Edomyas a dreylyas ha koedha war an oferysi, ha ladha y'n jydh na pymp gour ha peswar-ugens neb a wiska efod a lien.

1 Samuel 3:1

Lemmyn yth esa an maw Samuel ow servya an Arloedh yn-dann Eli. Ger an Arloedh o tanow y'n dydhyow na; ha nyns esa lies gwelesigeth.