1 Samuel 19:5 - An Bibel Kernewek 20234 (Kernewek Kemmyn)

⁵ rag ev a worras y vewnans yn y leuv ha ladha an Filistyas, ha'n Arloedh a dhros trygh meur rag oll Ysrael. Ty a'n gwelas ha lowenhe; prag y fynnydh pegha erbynn goes gwiryon, dhe ladha Davydh heb ken?’

1 Samuel 19:5 ပူးပေါင်းရင်းမြစ်များ

2 Samuel 23:10

Ev a sevis ha gweskel an Filistysi bys pan veu y dhorn skwithys ha glena orth an kledha. An Arloedh a dhros trygh meur y'n jydh na. Ha ny dhehwelis an bobel war y lergh marnas dhe breydha.

1 Kroniklys 11:14

Mes i a synsis aga thir yn kres an splatt, ha'y dhefendya, ha gweskel an Filistysi; ha'n Arloedh a ros dhedha trygh bras an jydh na.

1 Kroniklys 11:18

Gans henna an tri gour galloesek a dorras dre gamp an Filistysi, ha tenna dowr yn-mes a buth Bethlehem esa ryb an yet, ha'y dhri dhe Davydh. Byttegyns ny vynnas Davydh y eva hag ev a'n dinewis yn-mes dhe'n Arloedh,

Salmow 109:5

I re dylis dhymm dregynn rag da, ha kas rag kerensa.

Salmow 119:109

Yma ow enev prest y'm leuv; byttegyns ny ankovav dha lagha.

Salmow 25:3

Sur na berthes meth an re a drest ynnos jy; perthes meth an re a wra falsuri heb ken.

Salmow 69:4

Moy es blewennow ow fenn yw an re a'm kas heb ken; lies yw an re a vynn ow distrui, ow fals eskerens. An pyth na wrug vy y ladra, a wrav vy y daskorr?

Salmow 94:21

I a omguntell war-barth erbynn enev an den gwiryon, ha dampnya an goes glan.

Eksodus 14:13

Ha Moyses a leveris dhe'n bobel, ‘Na berthewgh own, sevewgh fyrv ha gweles selwyans an Arloedh a wra oberi ragowgh hedhyw; rag an Ejyptianys a welowgh hedhyw, ny wrewgh aga gweles nevra arta.

Yeremia 26:15

Mes godhvydhewgh yn sur, mara'm gorrowgh dhe'n mernans, hwi a dhre goes gwiryon warnowgh agas honan ha war an sita ma ha'y annedhysi, rag yn gwiryonedh an Arloedh re'm dannvonas dhe gewsel oll an geryow ma yn agas skovornow.’

Matthew 27:24

Ha Pilat, pan welas na ylli gwaynya travyth, mes yth esa freudh ow talleth, a gemmeras dowr ha golghi y dhiwla a-rag an routh ow leverel, ‘Glan yth o'ma a woes an den gwiryon ma. Hwi omgemmerewgh.’

Matthew 27:4

ow leverel, ‘My re beghas a-ban draytis goes gwiryon.’ Yn-medhons i, ‘Pandr'yw henna dhyn ni? Ty dha honan preder anodho.’

Yowann 15:25

Mes hemm yw, rag may fo kollenwys an ger skrifys yn aga lagha, “I re'm kasas heb acheson.”

Oberow 20:24

Mes ny akontyav ow bewnans a vri vyth dhymmo vy, unnweyth a kallen kowlwul ow resegva, ha'n menystrans a dhegemmeris dhiworth an Arloedh Yesu, rag doen dustuni dhe'n aweyl a ras Duw.

Filippianys 2:30

rag der ober Krist, ev a dheuth bys yn ankow, ow peryllya y vewnans dhe gollenwel an gweres na yllewgh ri dhymm.

Ebrowyon 2:3

fatell wren ni diank mar ny wren vri a selwyans mar veur? Derivys veu yn kynsa der an Arloedh, ha dustuniys dhyn gans an re a'n klewas,

Breusysi 12:3

Pan wodhyen na'm delivrewgh, my a gavas ow bewnans yn ow leuv, hag y treusis dhe'n Ammonysi, ha'n Arloedh a's ros yn ow leuv. Ytho prag yth esowgh ow tos dhymmo hedhyw dhe omladh er ow fynn?’

Breusysi 9:17

rag ow thas a omladhas ragowgh ha gorra y vewnans yn peryll, ha'gas delivras a leuv Midyan;

1 Samuel 11:13

Mes Sowl a leveris, ‘Na worrewgh dhe'n mernans gour vyth an jydh ma, rag hedhyw an Arloedh re dhros delivrans dhe Ysrael.’

1 Samuel 14:45

Ena an bobel a leveris dhe Sowl, ‘A verow Yonathan, neb re wrug an delivrans meur ma yn Ysrael? Bynner re bo! Dell vew an Arloedh, ny wra blewenn vyth a'y benn koedha dhe'n leur; rag ev re oberis gans Duw hedhyw.’ Yndella an bobel a sawyas Yonathan, ha ny verwis.

1 Samuel 19:6

Ha Sowl a woslowas orth lev Yonathan; ha Sowl a dos, ‘Dell vew an Arloedh, ny vydh ev gorrys dhe'n mernans.’

1 Samuel 20:32

Ha Yonathan a worthybis y das, ha leverel dhodho, ‘Prag y fydh ev gorrys dhe'n mernans? Pandr'a wrug ev?’

1 Samuel 22:14

Ena Ahimelek a worthybis dhe'n myghtern, ha leverel, ‘Piw eus yn mysk oll dha wesyon mar lel avel Davydh? Mab dre lagha an myghtern yw ev, ha kapten dha gorfwithysi, hag enorys yw y'th chi.

1 Samuel 28:21

An venyn a dheuth dhe Sowl, ha gweles y vos dyegrys, hag yn-medh hi dhodho, ‘Otta, dha vaghteth re woslowas orth dha lev; my re worras ow bewnans a-berth y'm leuv, ha goslowes orth dha eryow re gewssys dhymm.