1 Samuel 19:2 - An Bibel Kernewek 20234 (Kernewek Kemmyn)

² Yonathan a dherivas orth Davydh, ‘Ow thas Sowl a vynn dha ladha; rakhenna bydh war ternos vyttin; gorta yn tyller kevrinek hag omgudh.

1 Samuel 19:2 ပူးပေါင်းရင်းမြစ်များ

Salmow 16:3

A-barth an syns usi y'n vro, ha'n re vryntin, yma oll ow lowena ynna i.

Lavarow Koth 17:17

Koweth a gar pup-prys, ha broder yw genys rag gweres yn droglamm.

Oberow 23:16

Pan glewas mab hwoer Powl a-dro dhe'n bras ma, ev a dheuth hag entra y'n kastell ha'y dherivas dhe Powl.

Oberow 9:24

mes aga bras a dheuth ha bos godhvedhys dhe Sowl. I a aspias gluw orth an porthow, ha dydhweyth ha nosweyth, ma'n distruens;

1 Samuel 19:1

Sowl a gewsis orth y vab Yonathan ha gans oll y wesyon a-dro dhe ladha Davydh. Mes Yonathan mab Sowl a gemmeras delit meur yn Davydh.

1 Samuel 19:3

My a wra mos yn-mes ha sevel ryb ow thas y'n gwel mayth esos, ha my a gews gans ow thas a-dro dhis; ha'n pyth a welav my a dheriv dhis.’

1 Samuel 20:2

Yn-medh ev dhodho, ‘Bynner re bo! Ny verwydh. Ny wra ow thas travyth na bras na byghan saw ev dh'y dhiskwedhes dhymm; ha prag y koedh dhe'm tas kudha an dra ma ahanav? Nyns yw yndella.’

1 Samuel 20:5

Hag yn-medh Davydh dhe Yonathan, ‘Y fydh an loer nowydh a-vorow, ha ny allav fyllel esedha gans an myghtern orth an prys-boes; mes gas vy dhe dhones, may hylliv omgudha y'n gwel bys y'n tressa gorthugher.