1 Samuel 18:12 - An Bibel Kernewek 20234 (Kernewek Kemmyn)

¹² Sowl a borthas own a Davydh, drefenn bos an Arloedh ganso, mes gyllys dhiworth Sowl.

1 Samuel 18:12 ပူးပေါင်းရင်းမြစ်များ

2 Samuel 5:10

Ha Davydh eth ha bos brassa ha brassa, rag yth esa an Arloedh, Duw an luyow, ganso.

2 Kroniklys 17:3

Yth esa an Arloedh gans Yehoshafat drefenn ev dhe gerdhes yn fordhow y das kyns; ny hwilas an Baalim,

Salmow 51:11

Na dowl vy dhe-ves a'th fas ha na gemmer a-dhiworthiv dha Spyrys sans.

Salmow 53:5

Ena yth esens i yn own bras yn tyller ma nag esa own; rag Duw re skattras eskern an den a gampyas a-dro dhis; ty re wrug mewl dhedha, rag Duw dh'aga dispresya.

Hosea 9:12

Kyn hwrellons meythrin aga fleghes, my a gemmer pubonan dhe-ves, ma na vo denvyth gesys. Go-i pan dreylyav anedha!

Matthew 25:41

‘Ena y hwra ev leverel ynwedh dhe'n re a'n barth kledh, “Kewgh a-dhiworthiv, hwi dus villiges, dhe'n tan heb diwedh yw darbarys dhe'n jowl ha'y eledh.

Mark 6:20

rag Herod a'n jeva own a Yowann, ow kodhvos y vos gour ewn ha sans, hag ev a'n gwitha saw; ha pan y'n klewas yth o ankombrys bras, mes ev a'n goslowi yn lowen.

Luk 8:37

Hag oll an routh a bow an Gadarenys a wre y bysi a'ga gasa, rag dalghennys vons i gans own meur; ytho ev eth yn gorhel ha dehweles.

Oberow 24:25

Hag ev ow kul areth a-dro dhe ewnder hag omrewl ha'n vreus ow tos, Feliks eth ha bos ownek, ha gorthybi, ‘Y'n tor' ma, ty ke; mes my a wra dannvon war dha lergh pan eus dhymm spas.’

Oberow 7:9

‘Ha'n ugheldasow, lenwys a avi, a werthas Yosep yn Ejyp; mes yth esa Duw ganso,

Breusysi 1:19

Yth esa an Arloedh gans Yuda, hag ev a gemmeras an vro venydhyek; mes ny allas chasya dhe-ves trigoryon an plen drefenn bos dhedha charettow a horn.

Breusysi 16:20

Ena hi a leveris, ‘Ottensi an Filistysi warnas, Samson!’ Pan dhifunas ev a dybis, ‘My a wra mos yn-mes par dell wren yn prysyow erell hag omshakya rydh.’ Mes ny wodhya y hwrussa an Arloedh y asa.

1 Samuel 16:18

Ena onan a'n wesyon a worthybis, ‘My re welas mab a Yesse an Bethlehemyas neb a woer seni, ha gour kolonnek, kasor, fur yn kows, ha gour a semlans da; hag yma an Arloedh ganso.’

1 Samuel 16:4

Ha Samuel a wrug an pyth a erghis an Arloedh dhodho, ha dos dhe Bethlehem. Ha henavogyon an dre a grenas orth y dhevedhyans, ha leverel, ‘Osta devedhys yn kres?’

1 Samuel 18:15

Pan welas Sowl bos dhodho sewena veur, ev a borthas own anodho.

1 Samuel 18:20

Mes myrgh Sowl Mikal a gara Davydh. Ha'n bobel a'n derivas dhe Sowl ha hemm o da yn y dhewlagas.

1 Samuel 18:29

Sowl a borthas own meurra a Davydh. Yndella Sowl a dheuth ha bos eskar Davydh a-dhia'n jydh na hag yn-rag.

1 Samuel 20:13

Mes mar mynn ev gul drog dhis, re wrello an Arloedh yndella dhe Yonathan, ha moy ynwedh, mar ny'n deriv dhis, ha dha dhannvon dhe-ves, may hyllydh mones yn sawder. Re bo an Arloedh genes, kepar dell re beu gans ow thas.

1 Samuel 22:13

Yn-medh Sowl dhodho, ‘Prag y hwruss'ta brasa er ow fynn, ty ha mab Yesse, pan resys dhodho bara, ha kledha, ha ty a wovynnas orth Duw ragdho, may saffo er ow fynn, dhe'm kontrewaytya, kepar dell wra y'n jydh hedhyw?’

1 Samuel 28:15

Ena yn-medh Samuel dhe Sowl, ‘Prag y'm ankresys dhe'm dri yn-bann?’ Sowl a worthybis, ‘Yth esov yn ankres meur, rag yma an Filistysi ow patalyas orthiv, ha Duw re dreylyas dhe-ves ahanav ha ny worthyp dhymm namoy, na dre brofoesi na dre hunrosow; rakhenna my re'th helwis, may hyllydh leverel dhymm pandr'a wrav.’

1 Samuel 3:19

Ha Samuel a devi yn-bann, hag yth esa an Arloedh ganso, ha ny asas nagonan a'y eryow vyth koedha dhe'n leur.