1 Samuel 15:35 - An Bibel Kernewek 20234 (Kernewek Kemmyn)

³⁵ Ny dheuth Samuel namoy dhe weles Sowl bys yn dydh y vernans, mes grevya a wrug Samuel drefenn Sowl. Ha'n Arloedh a'n jevo edrek drefenn ev dhe wul Sowl myghtern war Ysrael.

1 Samuel 15:35 ပူးပေါင်းရင်းမြစ်များ

Jenesis 6:6

Ha'n Arloedh a repentyas ev dhe wul mab-den war an nor, ha grevys veu yn y golonn.

2 Samuel 6:23

Ha nyns esa dhe Mikal myrgh Sowl flogh vyth bys dydh hy mernans.

Salmow 119:136

Ow dewlagas a dhewrak gans goverow a dhowr drefenn na synsir dha lagha.

Salmow 119:158

My a welas an re dhislen, ha keudh a'm beu, rag ny synsons dha lavar.

Filippianys 3:18

Rag lies den a gerdh, a neb my a leveris dhywgh yn fenowgh, hag y lavarav lemmyn owth oela, aga bos eskerens a'n grows a Grist.

1 Samuel 15:11

‘Edrek a'm beus my dhe settya yn-bann Sowl dhe vos myghtern, rag ev re dreylyas dhe-ves dhiworthiv, ha ny gollenwis ow gorhemmynnow.’ Samuel o serrys; hag ev a grias war an Arloedh dres nos.

1 Samuel 16:1

Ha'n Arloedh a leveris dhe Samuel, ‘Pygemmys prys y fydhydh ow kyni rag Sowl? My re'n skonyas a vones myghtern war Ysrael. Lanw dha gorn gans oyl, ha ke, my a'th tannvon dhe Yesse an Bethlehemyas, rag my re brovias ragov ow honan myghtern yn mysk y vebyon.’

1 Samuel 19:24

Hag ev ynwedh a removas y dhillas, ha profoesa a-dherag Samuel yn kepar maner. Ev a wrowedhas noeth oll an jydh na hag oll an nos na. Rakhenna leverys yw, ‘Usi Sowl ynwedh yn mysk an brofoesi?’