1 Samuel 15:33 - An Bibel Kernewek 20234 (Kernewek Kemmyn)

³³ Mes Samuel a leveris, ‘Kepar dell wrug dha gledha benynes dhe vos anvap, yndella y fydh dha vamm anvap yn mysk benynes.’ Ha Samuel a hakkyas Agag dhe demmyn a-dherag an Arloedh yn Gilgal.

1 Samuel 15:33 ပူးပေါင်းရင်းမြစ်များ

Jenesis 9:6

Piwpynag a skoellyo goes den, gans den y fydh y woes ev skoellyes. Rag yn imaj Duw ev a wrug mab-den.

1 Myghternedh 18:40

Elias a leveris dhedha, ‘Dalghennewgh profoesi Baal; na esewgh nagonan anedha dhe dhiank.’ Ena i a's dalghennas; hag Elias a's dros dhe nans Kishon, ha'ga ladha ena.

Eksodus 17:11

Pan dhrehevis Moyses y leuv, Ysrael o kreffa; ha pan iselhas y leuv, Amalek o kreffa.

Eksodus 21:24

lagas rag lagas, dans rag dans, dorn rag dorn, troes rag troes,

Ysay 34:6

Yma dhe'n Arloedh kledha; lenwys yw a woes, gwalghys yw a vlonek, a woes eyn ha gever, a vlonek diwloneth hordhes; drefenn bos sakrifis dhe'n Arloedh yn Bosra ha ladhva vras yn pow Edom.

Yeremia 18:21

Ytho ro aga fleghes dhe'n divoetter, ha'ga delivra dhe nerth an kledha; ha re wrello aga gwragedh kelli aga fleghes, ha'ga gwer bos gorrys dhe'n mernans; ha'ga gwer yowynk ledhys gans an kledha yn batel.

Yeremia 48:10

Milliges yw ev neb yw diek ow kul ober an Arloedh, ha milliges yw ev neb a with y gledha dhiworth skoellya goes.

Hosea 6:5

Ytho my a's nadhas dre'n brofoesi, my a's ladhas dre eryow ow ganow; ow breusow eth war-ves avel golow.

Niverow 14:45

Ena an Amalekysi ha'n Kananysi esa trigys y'n vro venydhyek na a dhiyskynnas, ha'ga fetha ha'ga skattra, bys yn Horma.

Matthew 7:2

rag gans an vreus may hwrewgh hwi breusi dredhi, hwi a vydh breusys, ha gans an musur may fusurowgh hwi ganso, y fydh musurys dhy'hwi.

Jamys 2:13

Rag an vreus a vydh heb tregeredh dhe neb na dhiskwa tregeredh. Tregeredh a drygh war vreus.

Diskwedhyans 16:6

Rag i a skoellyas goes an syns ha'n brofoesi, ha ty re ros dhedha goes dhe eva. Gwiw yns i a henna!’

Diskwedhyans 18:6

Rewgh dhedhi arta kepar dell ros hi ynwedh, ha rewgh dhedhi dewblek a'y gwriansow: y'n hanaf may kemmyskas hi, gwrewgh kemmyska dewblek.

Breusysi 1:7

Yn-medh Adoni-bezek, ‘Deg myghtern ha tri-ugens, aga meusi ha bysies-troes bras treghys dhe-ves, a guntella brewyon yn-dann ow moes; kepar dell wrugavy, yndella Duw re attylis dhymm.’ Hag i a'n dros dhe Yerusalem, hag ev a verwis ena.

1 Samuel 10:8

Ha ty a wra mos yn-nans a-ragov dhe Gilgal, hag otta, my a dheu yn-nans dhiso jy, dhe offrynna offrynnow leskys, dhe offrynna offrynnow kres. Gorta seyth dydh bys pan dhov dhis, ha my a dhiskwa dhis pandr'a wredh.’

1 Samuel 15:32

Ena Samuel a leveris, ‘Dro Agag myghtern Amalek omma dhymm.’ Hag y teuth Agag dhodho yn kargharow. Agag a leveris, ‘Yn sur hwerowder mernans yw tremenys.’