Mes an bobel a worthybis, ‘Ny wre'ta mones yn-rag. Rag mar fien ni, ny vynnsens settya aga holonn dhyn. Mar marwa hanter ahanan, ny vynnsens settya aga holonn dhyn; mes dha dalvosogeth yw avel deg mil ahanan; rakhenna y fydh gwell ty dh'agan skoedhya yn-mes a'n sita.’
My a'n gwel, mes a-der lemmyn; my a'n aspi, mes a-der yn ogas; sterenn a wra dos war-rag yn-mes a Yakob, ha ternwelenn a wra sevel yn-mes a Ysrael; hi a wra brewi talyow Moab, ha kregyn oll mebyon Sheth.
Yn-medh Yesu dhedha, ‘A ny redsowgh bythkweth y'n skryptors, “An men hag a veu skonys gans an weythoryon, henn yw gwrys pennmen an korn; gans an Arloedh y feu hemma gwrys, ha marthys yw yn agan dewlagas?”
Ysrael re beghas; i re dreuspassyas erbynn ow hevambos a worhemmynnis dhedha. I re gemmeras re a'n taklow sakrys dhe dhistruyans; i re's ladras, ha'ga hudha, orth aga gorra gans aga lestri aga honan.
Ytho ny allas mebyon Ysrael sevel a-dherag aga eskerens; i a dreylyas aga hilbenn dh'aga eskerens, drefenn i aga honan dhe vos tra sakrys dhe dhistruyans. Ny vydhav genowgh namoy, marnas hwi a dhistru an taklow sakrys a-dhiworthowgh.