1 Samuel 14:33 - An Bibel Kernewek 20234 (Kernewek Kemmyn)

³³ Ena yth o derivys dhe Sowl, ‘Ottomma an bobel ow pegha erbynn an Arloedh dre dhybri gans an goes.’ Hag ev a leveris, ‘Hwi re dorras fydh; rolyewgh men bras omma dhymm y'n jydh ma.’

1 Samuel 14:33 ပူးပေါင်းရင်းမြစ်များ

Jenesis 9:4

Mes kig hag ynno y vewnans, henn yw y woes, ny wrewgh y dhybri.

Levitikus 17:10

Ha piwpynag a ji Ysrael po a'n alyons trigys yn agas mysk a dheppro goes a neb sort, my a sett ow fas erbynn an den na a dheber goes, ha my a'n tregh dhe-ves dhiworth y bobel.

Levitikus 19:26

Ny wrewgh hwi dybri travyth gans goes. Ny wrewgh hwi dewinieth na koela orth koelyek.

Levitikus 7:26

Ny wrewgh hwi dybri goes vyth yn oll agas trigvaow, naneyl a edhen nag a vest.

Levitikus 7:27

Piwpynag a dheppro neppyth a woes, an keth henna a vydh treghys dhe-ves dhiworth y bobel.

Matthew 7:5

Ty falswas! Kyns oll towl an geber yn-mes dhiworth dha lagas tejy hag ena y hwelydh diblans rag tewlel an motta yn-mes a lagas dha vroder.

Oberow 15:20

mes may skriffyn dhedha i dhe goheles defolansow idolys, ha dijastita, ha kig tegys, ha goes.

Romanyon 2:1

Ytho ny'th eus askus, A dhen, piwpynag a vi, ow preusi den arall; rag pan vreusydh den arall y preusydh er dha bynn dha honan rag ty, an breusyas, a wra an keth taklow dha honan.

Dewteronomi 12:16

Saw unnsel an goes ny dhebrowgh; hwi a'n dinwa war an tir avel dowr.

Dewteronomi 12:23

Saw bydh sur na dhybrydh an goes, rag an goes yw an enev, ha ny dhybrydh an enev gans an kig.

Dewteronomi 15:23

Saw y woes ny dhybrydh; ty a'n dinwa war an gweres avel dowr.

1 Samuel 14:34

Ha Sowl a leveris, ‘Diberthewgh a-les yn mysk an bobel, ha leverewgh dhedha, “Drewgh omma dhymm pub gour y ojyon, po y dhavas, ha ledhewgh i y'n tyller ma, ha dybrewgh; ha ny wrewgh pegha erbynn an Arloedh dre dhybri gans an goes.” ’ Yndella oll an bobel a dhros aga oghen gansa an nos na, ha'ga ladha ena.