1 Samuel 13:6 - An Bibel Kernewek 20234 (Kernewek Kemmyn)

⁶ Pan welas gwer Ysrael aga bos yn ahwer (rag an lu o gweskys kales), ena an bobel a omgudhas aga honan yn kavow hag yn tell hag yn karregi hag yn bedhow hag yn dowrarghow.

1 Samuel 13:6 ပူးပေါင်းရင်းမြစ်များ

2 Samuel 24:14

Ha Davydh a leveris dhe Gad, ‘Yth esov yn ahwer meur; koedhyn yn leuv an Arloedh, rag y druedh yw bras; mes na'm gas dhe goedha yn leuv mab-den.’

Ysay 42:22

Mes homm yw pobel ledrys ha ravnys, i oll yw maglennys yn tell ha kudhys yn baghow; devedhys yns ha bos preydh heb denvyth dhe sawya, pyll heb denvyth dhe leverel ‘Daswra!’

Yeremia 41:9

Lemmyn an dowrargh le may tewlis Yshmael korfow an wer re ladhas drefenn Gedalia o an dowrargh gwrys gans Asa an myghtern rag own Baasha myghtern Ysrael; Yshmael mab Nethania a'n lenwis gans an re ledhys.

Ezekiel 33:27

Yndellma y leverydh dhedha, Yndellma y lever an Arloedh: Dell vewav, an re trigys y'n magoryow a goedh der an kledha; ha neb eus y'n gwel a rov dhe'n bestes dhe vos dybrys; ha'n re usi yn skonsow hag yn fowys a verow der an pla.

Filippianys 1:23

Yth esov vy yn kaletter ynter an dhew, ow pos hwansek dhe vos dhe-ves ha bos gans Krist, rag henn yw meur gwell;

Ebrowyon 11:38

– anedha nyns o gwiw an bys – ow kwandra yn gwylvosow ha menydhyow, hag yn mogowyow ha savnow an dor.

Yoshua 8:20

Pan dreylyas gwer Ay war aga lergh, i a welas mog an sita ow mos yn-bann dhe'n nev. Nyns esa dhedha galloes dhe fia dhe du pynagoll. An Ysraelysi a omwrussa fia dhe'n gwylvos a dreylyas erbynn an helghyoryon.

Breusysi 10:9

An Ammonysi ynwedh a dreusis an Yordan rag omladh erbynn Yuda, erbynn Benyamin, hag erbynn chi Efraym; yndella Ysrael a berthi ahwer meur.

Breusysi 20:41

Ena an Ysraelysi a dreylyas ha'n Benyaminysi a borthas own, rag i a wodhya terroesa dhe dhos warnedha.

Breusysi 6:2

Leuv Midyan a arwaskas Ysrael; ha drefenn Midyan mebyon Ysrael a wrug ragdha aga honan skovvaow yn savnow y'n menydhyow, ha fowys ha dinasow.

1 Samuel 13:15

Ena Samuel eth yn-bann a-dhiworth Gilgal dhe Gibea a Benyamin. Ha Sowl a niveras an bobel esa ena ganso, a-dro dhe hwegh kans gour.

1 Samuel 14:11

Ha'n dhew anedha a dhiskwedhas aga honan dhe savla-goelyadoryon an Filistysi; ha'n Filistysi a leveris, ‘Ottomma Ebrowyon ow tos yn-mes a'n tell mayth omgudhsons ynna.’

1 Samuel 14:22

Ynwedh oll an Ysraelysi omgudhys yn bro venydhyek Efraym, pan glewsons bos an Filistysi ow fia, i ynwedh a junyas dhe'n vatel, ow helghya war aga lergh.

1 Samuel 23:19

Ena an Zifysi a dheuth yn-bann dhe Sowl yn Gibea ow leverel, ‘A nyns usi Davydh owth omgudha genes yn skonsow Horesh, war venydh Hakila, usi a'n dhyghowbarth dhe Yeshimon?

1 Samuel 24:3

Ev a dheuth dhe gorlannow an deves ryb an fordh, mayth esa kav; ha Sowl eth a-bervedh dhe gudha y dhewdroes. Lemmyn yth esa Davydh ha'y wer owth esedha a-ji dhe dhowna rannow an kav.

1 Samuel 31:7

Pan welas gwer Ysrael esa a'n tenewen arall dhe'n nans ha'n re esa dres an Yordan, gwer Ysrael dhe fia, ha bos Sowl ha'y vebyon marow, i a forsakyas aga sitys, ha fia; ha'n Filistysi a dheuth ha triga ynna.

1 Samuel 7:7

Pan glewas an Filistysi bos mebyon Ysrael kuntellys war-barth yn Mispa, gwahalyethow an Filistysi eth yn-bann erbynn Ysrael. Ha pan glewas mebyon Ysrael anodho, i a borthas own a'n Filistysi.