1 Samuel 1:19 - An Bibel Kernewek 20234 (Kernewek Kemmyn)

¹⁹ Myttin a-varr i a sevis ha gordhya a-dherag an Arloedh, hag ena i a dhehwelis dh'aga chi dhe Rama. Hag Elkana a aswonnis y wreg, ha'n Arloedh a borthas kov anedhi.

1 Samuel 1:19 ပူးပေါင်းရင်းမြစ်များ

Jenesis 21:1

Ha'n Arloedh eth dhe weles Sara dell wrussa leverel, ha'n Arloedh a wrug dhe Sara kepar dell lavarsa.

Jenesis 30:22

Ena Duw a borthas kov a Raghel ha goslowes orti hi hag igeri hy thorr.

Jenesis 4:1

Hag Adam a aswonnis Eva y wreg ha hi a gonsevyas ha dineythi Kayn ha leverel ‘My re gavas gour gans gweres an Arloedh.’

Jenesis 8:1

Mes Duw a borthas kov a Noy hag oll an bestes, hag oll an chatel esa ganso y'n gorhel ha Duw a wrug dhe wyns tremena war an nor ha bashes veu an dowrow.

2 Myghternedh 4:17

An venyn a omdhuk, ha dineythi mab y'n seson na, y'n termyn na, dell lavarsa Elisha dhedhi.

Salmow 119:147

My a sev kyns dydh-tardh ha kria; yn dha eryow y fydhyav.

Salmow 136:23

neb a borthas kov ahanan yn agan iselder, rag y dregeredh a dhur bys vykken;

Salmow 25:7

Na borth kov a beghosow ow yowynkneth, na'm kammweyth; herwydh dha dregeredh porth kov ahanav, A Arloedh, a-barth dha dhader.

Salmow 5:3

A Arloedh, y'n myttin ty a glew ow lev; y'n myttin my a orden ow fysadow orthis, ha goelyas.

Salmow 55:17

Y'n gorthugher hag y'n myttin, ha dhe hanter-dydh my a grodhvol ha kyni, hag ev a glew ow lev.

Mark 1:35

Ha myttin a-varr, hag ev ow sevel fest pell kyns hy bos dydh, ev eth yn-mes hag omdenna bys yn tyller difeyth, hag ena yth esa ow pysi.

Luk 23:42

Hag yn-medh ev, ‘Yesu, porth kov ahanav pan dheudh y'th wlaskor.’

Yoshua 18:25

Yth esa ynwedh Gibeon, Rama, Beeroth,

1 Samuel 1:1

Yth esa neb unn gour, a Ramathaym-sofim, a venydh Efraym, ha'y hanow Elkana mab Yeroham mab Elihu mab Tohu mab Suf, Efrathyas.

1 Samuel 1:11

Ha hi a ambosas ambos ha leverel, ‘A Arloedh an luyow, mar mirydh dhe wir war alar dha vaghteth, ha perthi kov ahanav, ha ny ankevydh dha vaghteth, mes ri dhe'th vaghteth mab, ena my a'n re dhe'n Arloedh oll dydhyow y vewnans, ha ny wra altenn vyth tochya y benn.’

1 Samuel 15:34

Ena Samuel eth dhe Rama; ha Sowl eth yn-bann dh'y ji yn Gibea a Sowl.

1 Samuel 16:13

Ena Samuel a gemmeras korn an oyl, ha'y untya yn mysk y vreder; ha spyrys an Arloedh a dheuth war Davydh, a-dhiworth an jydh na alena rag. Ena Samuel a sevis ha mones dhe Rama.

1 Samuel 19:18

Lemmyn Davydh a fias ha diank; ev a dheuth dhe Samuel yn Rama, ha derivas dhodho oll re wrussa Sowl dhodho. Ev ha Samuel eth ha triga yn Nayoth.

1 Samuel 2:11

Ena Elkana eth dhe Rama dh'y ji, hag yth esa an maw ow servya a-dherag an Arloedh y'n lok Eli.

1 Samuel 25:1

Samuel a verwis; hag oll Ysrael a omguntellas ha kyni ragdho, ha'y ynkleudhyas yn y ji yn Rama. Ena Davydh a sevis ha mos yn-nans dhe wylvos Paran.

1 Samuel 7:17

Ena ev a dhehweli dhe Rama, rag yth esa y ji ena; hag ena ev a vreusi Ysrael; hag ev a dhrehevis ena alter dhe'n Arloedh.

1 Samuel 8:4

Ena oll henavogyon Ysrael a omguntellas war-barth ha dos dhe Samuel yn Rama,

1 Samuel 9:26

Hag i a sevis a-varr a-dro dhe dardh an jydh ha Samuel a elwis dhe Sowl war an to ow leverel, ‘Sav, rag may hallav dha dhannvon war dha fordh.’ Ha Sowl a sevis, hag i eth yn-mes aga dew, ev ha Samuel.