1 Samuel 1:15 - An Bibel Kernewek 20234 (Kernewek Kemmyn)

¹⁵ Mes Hanna a worthybis ha leverel, ‘Nansi, ow arloedh, benyn gans spyrys ahwerek ov; ny evis vy na gwin na korev, mes my re beu ow tiveri ow enev yn-mes a-dherag an Arloedh.

1 Samuel 1:15 ပူးပေါင်းရင်းမြစ်များ

Job 30:16

‘Ha lemmyn ow enev a dhever dhe-ves; dydhyow a alar re'm synsis.

Salmow 143:6

My a ystynn ow diwleuv dhiso; ow enev a yeun war dha lergh kepar ha tiredh sygh. Sela.

Salmow 42:4

My a berth kov a hemma, ow skoellya ow enev a-bervedh ynnov; fatell gerdhyn vy gans an routh orth aga hembronk dhe ji Duw; gans lev a lowena ha grasyans, yn mysk routh ow synsi goel.

Salmow 62:8

Trestyewgh ynno ev pup-prys, A bobel; dinewewgh agas kolonn a-dheragdho, rag Duw yw agan skovva. Sela.

Salmow 62:9

Yn tevri, euveredh yw tus isel, ha tus ughel yw gow; y'n vantol yth ons i war-vann, skaffa yns i es euveredh.

Lavarow Koth 14:10

An golonn a aswonn hy hwerowder hy honan, ha nyns yw estren kevrennek a'y joy.

Lavarow Koth 15:1

Gorthyp medhel a dreyl konnar dhe-ves, mes ger tynn a dhre sorr yn-bann.

Lavarow Koth 25:15

Gans perthyans y hyllir dynya rewler, ha taves medhel a yll terri eskern.

Kynvannow 2:19

Yn-sol, kri nosweyth, yn dalleth an goelyow! Skoell dha golonn kepar ha dowr a-dherag fas an Arloedh! Drehav dha dhiwla dhodho a-barth enev dha fleghes, a glamder gans nown orth penn pub stret.

1 Samuel 1:16

Na gemmer dha vaghteth rag myrgh Belial, rag my re beu ow leverel yn-mes a'm preder meur ha'm poenvos oll an termyn ma.’

1 Samuel 7:6

Hag i a omguntellas war-barth yn Mispa, ha tenna dowr ha'y dhinewi yn-mes a-dherag an Arloedh. I a benysas y'n jydh na, ha leverel, ‘Ni re beghas erbynn an Arloedh.’ Ha Samuel a vreusi mebyon Ysrael yn Mispa.