1 Peder 4:2 - An Bibel Kernewek 20234 (Kernewek Kemmyn)

² ytho ny vew namoy yn hwansow mab-den dres an termyn yw gesys y'n kig, mes orth bodh Duw.

1 Peder 4:2 ပူးပေါင်းရင်းမြစ်များ

Salmow 143:10

Dysk dhymm gul dha vodh, rag ty yw ow Duw. Gwres dha Spyrys kuv ow hembronk yn tir kompes.

Hosea 6:7

Mes i re dorras an kevambos avel Adam: ena i re'm traytas.

Matthew 12:50

rag seul a wrello bodh ow Thas eus y'n nevow, an keth henna yw ow broder ha'm hwoer ha'm mamm.’

Matthew 20:4

hag yn-medh ev dhedha, “Ewgh hwi ynwedh y'n winlann ha pypynag oll a vo ewn my a'n re dhywgh hwi.”

Matthew 21:31

Pyneyl a'n dhew a wrug bodh y das?’ Yn-medhons, ‘An kynsa.’ Yesu a leveris dhedha, ‘Yn hwir y lavarav dhywgh, bos an dolloryon ha'n horys ow mones a-bervedh yn gwlaskor Duw kyns es dell wrewgh hwi.

Matthew 7:21

‘Nyns a a-bervedh yn gwlaskor nev pubonan a lever dhymm, “Arloedh, Arloedh”, mes ev neb a wra bodh ow Thas eus yn nevow.

Mark 3:35

Rag neb a wrello bodh Duw, an keth henna yw ow broder, ha'm hwoer, ha'm mamm.’

Mark 7:21

Rag a'n tu a-bervedh, yn-mes a golonn tus, y teu drokprederow: fornikasyon, ladrans, denladh:

Yowann 1:13

an re na veu genys a woes, nag a vynnas kig, nag a vynnas gour, mes a Dhuw.

Yowann 7:17

Mar mynn nebonan gul y volonjedh, ev a woer a-dro dhe'n dyskas, pyneyl y vos a Dhuw, po my dhe gewsel a'm awtorita ow honan.

Romanyon 12:2

ha na vedhewgh keskonformys orth an oes ma, mes bedhewgh dasformys dre nowydhheans an brys, rag may preffowgh pandra yw bodh Duw, hag yw da ha plegadow ha perfydh.

Romanyon 14:7

Ny vew nagonan ahanan dhodho y honan ha ny verow nagonan dhodho y honan.

Romanyon 6:11

Ytho y tegoedh dhywgh hwi omsynsi marow dhe begh mes ow pewa dhe Dhuw yn Krist Yesu.

Romanyon 6:2

Kammenn vyth! Fatell yllyn ni neb a verwis dhe begh bewa hwath ynno?

Romanyon 7:4

Y'n keth fordh, ow breder, ledhys re bewgh dhe'n lagha dre gorf Krist rag may fowgh dhe onan arall, dhodho ev neb re beu drehevys a'n re varow rag may tykkyn frut rag Duw.

2 Korinthianys 5:15

hag ev a verwis a-barth oll, ma na vewa an re vew dhedha aga honan na fella, mes dhodho ev neb a verwis hag a veu dastrehevys a-barth dhedha.

Efesianys 2:3

hag yn aga mysk, ni oll ynwedh a wre omdhegi kyns yn yeunadow agan kig, ow kul hwansow an kig ha'n prederow, hag yth en ni dre natur fleghes sorr kepar ha'n re erell ynwedh.

Efesianys 4:17

Hemma a lavarav ha dustunia y'n Arloedh, na wrellowgh kerdhes namoy kepar dell gerdh an Jentilys yn euveredh aga brys;

Efesianys 5:17

Rakhenna, na vedhewgh gokki, mes konvedhewgh pyth yw bolonjedh an Arloedh.

Efesianys 6:6

Na wrewgh hemma may fewgh gwelys, ow plegya dhe dus, mes avel gwesyon Krist, ow kul bodh Duw dhiworth an enev,

Kolossianys 1:9

Rakhenna ni ynwedh, dhiworth an jydh may klewsyn, ny hedhyn pysi ha govynn ragowgh, may fewgh lenwys a wodhvos a'y vodh yn pub furneth ha konvedhes spyrysel,

Kolossianys 3:3

Rag hwi re verwis, ha'gas bewnans yw kudhys gans Krist yn Duw.

Kolossianys 4:12

Epafras a'gas dynnergh, onan ahanowgh, kethwas Krist Yesu, ow strivya pup-prys ragowgh yn y bysadow, may seffowgh perfydh ha surhes yn tien y'n bolonjedh oll a Dhuw.

1 Thessalonianys 5:18

Yn pup-tra, rewgh grasyans, rag hemm yw bolonjedh Duw ragowgh yn Krist Yesu.

Ebrowyon 13:21

re'gas provio gans pub tra vas may hwryllowgh y vodh, ow kul ynnon an pyth yw plegadow yn y wolok dre Yesu Krist; dhe neb bedhes gordhyans bys vykken ha bynnari. Amen.

Jamys 1:18

Gans y vynnas ev, ev a'gan dineythis dre er a wiryonedh, may fen ni avel an kynsa frut a'y greaturs.

1 Peder 1:14

Kepar ha fleghes wostydh, na wrewgh war-lergh hwansow an termyn a'gas fowt a skians,

1 Peder 2:1

Ytho, gorrewgh dhe-ves pub drog ha pub toell ha falsuri hag avi ha pub kabel.

1 Yowann 2:17

Ha'n bys a dremen, ha'y lust: mes neb a wra bodh Duw a vew bys vykken.