1 Peder 2:15 - An Bibel Kernewek 20234 (Kernewek Kemmyn)

¹⁵ Rag yndella yw bodh Duw, may hyllowgh hwi, ow kul da, konkludya fowt skians tus wokki.

1 Peder 2:15 ပူးပေါင်းရင်းမြစ်များ

Job 2:10

Mes yn-medh ev dhedhi, ‘Ty a gews kepar dell gewssa onan a'n benynes foll. A wren ni degemmeres dader dhiworth leuv Duw, hag a ny wren ni degemmeres drogedh?’ Gans hemma oll ny beghas Job gans y dhiwweus.

Job 5:16

Ytho yma govenek dhe'n boghosek, ha kammhynseth a dhege hy ganow.

Salmow 107:42

An re ewnhynsek a wel henna, ha lowenhe; ha pub sherewneth a dhege y anow.

Salmow 5:5

Ny sev an re woethus y'th wolok; ty a gas an dhrogoberoryon oll.

Lavarow Koth 9:6

Gesewgh sempledh ha bewewgh, ha kerdhewgh y'n fordh a gonvedhes.’

Yeremia 4:22

‘Rag ow fobel yw foll, ny'm aswonnsons; fleghes wokki yns, ny's teves konvedhes: konnyk yns dhe wul drogober, mes dhe wul da ny's teves skentoleth.’

Matthew 25:2

Pymp anedha o foll ha pymp o fur.

Matthew 7:26

Ha pubonan a woslow ow geryow ma mes heb aga gul a vydh hevelebys dhe wour foll neb a dhrehevis y ji war dir tewesek;

Romanyon 1:21

rag kynth aswonnens Duw ny'n gormolens na ny aswonnens grasow dhodho avel Duw, mes euver y teuthons ha bos yn aga thybyansow ha tewlhes veu aga holonn dalsogh.

Galatianys 3:1

A hwi dus Galatia, dus foll! Piw re'gas husas, may feu diskwedhys dherag agas lagasow Yesu Krist dhe vos krowsys?

Dewteronomi 32:6

A attylowgh an Arloedh yndella, pobel goeg ha diboell? A nyns yw ev dha Das, dha Wrier, neb a'th formyas, ha neb a'th fastyas?

1 Thessalonianys 4:3

Rag hemm yw bodh Duw, agas sansheans, hwi dhe omwitha rag fornikasyon,

1 Thessalonianys 5:18

Yn pup-tra, rewgh grasyans, rag hemm yw bolonjedh Duw ragowgh yn Krist Yesu.

1 Timothi 1:13

kyn hwren vy blasfemya kyns, ha helghya, hag arvedh. Mes my a gavas tregeredh, rag my a wrug hemma heb godhvos, yn diskryjyans.

Titus 2:8

kows yagh, divlam may fo eskar shamys heb kavoes travyth drog dhe leverel a-dro dhyn.

Titus 3:3

Rag ni ynwedh o foll, diwostydh, toellys, kethwesyon dhe drokhwansow ha plesours divers, ow pewa yn atti hag avi, kasadow, hag ow kasa an eyl y gila.

1 Peder 2:12

Bedhes da agas bewedh yn mysk an Jentilys; ena kyn kewsons er agas pynn avel drogoberoryon, y hyllons gordhya Duw yn dydh y dhevedhyans, pan welons agas gwriansow da.

1 Peder 3:16

mes gans klorder hag own, ow kwitha kowses da, may fons i shamys neb a gabel agas bewedh da yn Krist, pan gewsons er agas pynn.

1 Peder 3:17

Rag gwell yw godhevel ow kul dader, mar mynn bodh Duw, ages gul drog.

1 Peder 4:2

ytho ny vew namoy yn hwansow mab-den dres an termyn yw gesys y'n kig, mes orth bodh Duw.

2 Peder 2:12

Mes an re ma, kepar ha bestes heb reson dineythys war-lergh natur dhe vos kechys ha distruys, ow plasfemya a-dro dhe daklow na wodhons, a vydh distruys y'n keth vaner,

Lyther Yud 1:10

mes an re ma a wra anvri dhe bypynag na gonvedhons; ha'n taklow a gonvedhons dre gnas kepar dell wra bestes heb reson, distruys vydhons i gansa.