1 Peder 1:1 - An Bibel Kernewek 20234 (Kernewek Kemmyn)

¹ Peder, abostol Yesu Krist dhe'n bobel dhewisys, godrigoryon skattrys yn Pontus, Galatia, Kappadokia, Asia, ha Bithynia,

1 Peder 1:1 ပူးပေါင်းရင်းမြစ်များ

Ester 3:8

Ena yn-medh Haman dhe'n myghtern Ahasuerus, ‘Yma unn bobel skattrys a-les ha diberthys yn mysk an poblow yn oll rannvroyow dha wlaskor; ha'ga laghys yw dihaval dhe laghys pub pobel arall, ha ny withons laghys an myghtern. Ytho nyns yw ewn an myghtern dh'aga godhav.

Salmow 44:11

Ty re'gan ros avel deves dhe vos dybrys, ha re'gan skattras yn mysk an kenedhlow.

Ezekiel 6:8

Mes my a as remenant; re ahanowgh a skap an kledha yn mysk an kenedhlow, pan vydhowgh skattrys y'n gwlaskordhow.

Levitikus 26:33

Ha my a wra agas skattra yn mysk an kenedhlow, ha tenna yn-mes an kledha war agas lergh; dha dir a vydh ynyal, ha'gas sitys a vydh magoryow.

Matthew 10:2

Ottomma henwyn an dewdhek abostol: an kynsa, Simon, neb yw gelwys Peder, hag Androw y vroder, Jamys mab Zebede ha Yowann y vroder,

Matthew 24:22

Ha mar ny ve an dydhyow na gwrys kott, ny via kig vyth selwys; mes rag an re dhewisys an dydhyow na a vydh gwrys kott.

Matthew 4:18

Hag ev ow kerdhes ryb mor Galile a welas dew vroder, Simon, gelwys Peder hag Androw y vroder, ow tewlel roes y'n mor; rag pyskadoryon ens i.

Luk 18:7

A ny wra Duw gwirvreus rag y dus dhewisys a gri warnodho dydh ha nos; a vydh ev lent ow kweres dhedha?

Yowann 11:52

ha ny via unnsel rag an genedhel, mes rag kuntell war-barth yn onan fleghes Duw neb a veu skattrys.

Yowann 7:35

Ena an Yedhewon a leveris an eyl dh'y gila, ‘Ple'th a an den ma, ma na yllyn y gavoes? A vynn ev mos dhe'n re skattrys yn mysk an Grekys, ha dyski dhe'n Grekys?

Oberow 18:2

Ev a gavas unn Yedhow henwys Akwila, genesik a Pontus, neb re dhothya degynsow a Itali gans Priskilla y wreg, drefenn Klawdius dhe worhemmynna dhe'n Yedhewon oll mayth omdennens dhiworth Rom. Hag ev a dheuth dhedha,

Oberow 18:23

ha pan spensa termyn ena, ev eth yn-rag a le dhe le dre bow Galatia hag ena dre Frygia, ow krevhe an dhyskyblon oll.

Oberow 19:10

Hemma eth yn-rag dres diw vlydhen, may klewas oll trigoryon Asia ger an Arloedh, ha Yedhewon ha Grekys.

Oberow 6:9

Mes rann a'n re esa dhe synaga an Rydhyon, dell o henwys, tus a Kyrene, hag Aleksandria, ha tus dhiworth Kilikia hag Asia, a sevis hag argya orth Stefan,

Oberow 8:4

Lemmyn an re a veu skattrys eth a-derdro, ow pregoth an ger.

1 Korinthianys 16:19

An eglosyow a Asia a'gas salus. Akwila ha Priska, ha gansa an eglos yn aga chi, a'gas salus yn kolonnek y'n Arloedh.

2 Korinthianys 1:8

Rag ny vynnyn hwi dhe vos heb godhvos, breder, a-dro dh'agan galar pan esen ni yn Asia; beghys dres eghenn en ni, dres nerth, mayth esa dhyn desper a vewnans y honan;

Galatianys 1:2

hag oll an vreder usi genev, Dhe eglosyow Galatia:

Efesianys 2:12

agas bos y'n eur na heb Krist, estrenhes dhiworth kemmynieth Ysrael, hag estrenyon dhe gevambosow an dedhewadyow, heb govenek, ha heb Duw y'n bys.

Efesianys 2:19

Ytho nyns owgh hwi namoy estrenyon hag alyons, mes kesburjysi gans an syns, hag eseli teylu Duw,

Dewteronomi 28:64

Ena an Arloedh a wra dha skattra yn mysk oll an poblow dhiworth unn penn a'n norvys bys y'n penn arall, hag ena ty a serv duwow erell neb na aswonnsys, naneyl ty na'th tasow, prenn ha men.

Dewteronomi 32:26

My a leveris: My a's defend dhe-ves; my a dhile aga hovadh dhiworth densys;

Dewteronomi 4:27

An Arloedh a wra agas skattra ynter an poblow, boghes vydh agas niver gesys yn mysk an kenedhlow may hwra an Arloedh agas ledya di.

2 Timothi 1:15

Ty a woer an re oll yn Asia dhe dreylya dhiworthiv, Fygelus ha Hermojenes yn aga mysk.

Ebrowyon 11:13

Dre fydh y ferwis oll an re ma, heb degemmeres an ambosow; mes i a's gwelas ha'ga salusi a-bell, ow konfessya aga bos estrenyon ha godrigoryon war an nor.

Jamys 1:1

Jamys, gwas Duw ha'n Arloedh Yesu Krist, dhe'n dewdhek loeth yw skattrys: Lowena dhywgh!

1 Peder 2:11

Karadowyon, my a'gas pys avel alyons ha divresow mayth omwithewgh rag hwansow an kig a wra gwerrya erbynn an enev.

2 Peder 1:1

Simon Peder, gwas hag abostol Yesu Krist, Dhe'n re re gavas fydh drudh kehaval dh'agan fydh ni, yn ewnder agan Duw ha'gan Selwyas Yesu Krist:

Diskwedhyans 1:11

ow leverel, ‘An pyth a welydh skrif yn rol-skrifa, ha dannvon dhe'n seyth eglos, dhe Efesus, ha dhe Smyrna, ha dhe Pergamum, ha dhe Thyatira ha dhe Sardis, ha dhe Filadelfia, ha dhe Laodikea.’