1 Myghternedh 8:7 - An Bibel Kernewek 20234 (Kernewek Kemmyn)

⁷ Rag an jerubim a lesas aga eskelli a-ugh tyller an argh, may hwrug an jerubim kudhans a-ugh an argh ha'y gwelynni.

1 Myghternedh 8:7 ပူးပေါင်းရင်းမြစ်များ

1 Myghternedh 6:27

Ev a worras an cherubim a-ji dhe'n sentri pervedhel; eseli an cherubim o lesys may tochyas askell onan anedha an eyl fos, hag askell y gila a dochyas an fos arall; aga eskelli erell tu ha kres an chi a dochyas askell dhe askell.

1 Myghternedh 8:6

Ena an oferysi a dhros argh kevambos an Arloedh dh'y thyller, yn sentri pervedhel an chi, y'n tyller an moyha sans, yn-dann eskelli an jerubim.

1 Myghternedh 8:8

An gwelynni a omystynnas mar bell yn-mes mayth o gwelys pennow an gwelynni dhiworth an tyller sans a-rag an sentri pervedhel; mes ny allsons bos gwelys a'n tenewen a-ves; ymons i ena bys y'n jydh ma.

Eksodus 25:20

An jerubim a wra lesa aga eskelli war-vann, ow korskeusi an dregeredhva gans aga eskelli, aga fas an eyl war-tu ha'y gila; war-tu ha'n dregeredhva y fydh fasow an jerubim.

Ysay 6:2

Yth esa serafyn ow sevel a-ughto, hwegh askell dhe bubonan anedha: gans diw ev a gudha y fas, ha gans diw ev a gudha y dreys, ha gans diw ev a nija.

Niverow 4:6

ena i a wra gorra warnedhi kudhans a greghyn morhoghes, ha lesa warnedhi kweth dhien a las, ha settya hy gwelynni.

Ebrowyon 9:5

a-ughto yth esa cherubim an golewder ow korskeusi an dregeredhva. A'n traow ma nyns eus lemmyn kewsel yn funys.