1 Myghternedh 8:65 - An Bibel Kernewek 20234 (Kernewek Kemmyn)

⁶⁵ Ytho Solomon a withas an goel y'n prys na, hag Ysrael oll ganso, kuntelles meur, a Lebo-hamath bys yn nans Ejyp, a-rag an Arloedh, seyth dydh.

1 Myghternedh 8:65 ပူးပေါင်းရင်းမြစ်များ

Jenesis 15:18

An keth jydh na an Arloedh a wrug kevambos gans Abram, ow leverel, ‘My re ros an tir ma dhe'th has, dhiworth avon Ejyp bys y'n avon vras, an avon Ewfrates,

1 Myghternedh 3:15

Ena Solomon a dhifunas; hunros o. Ev a dheuth dhe Yerusalem le may sevis a-rag argh kevambos an Arloedh. Ev a offrynnas offrynnow leskys hag offrynnow kres, ha provia gwledh rag oll y wesyon.

1 Myghternedh 4:21

Yth esa Solomon ow rewlya war oll an gwlaskordhow dhiworth an avon Ewfrates bys pow an Filistysi, ha bys yn or Ejyp; i a dhros trubyt ha servya Solomon dydhyow oll y vewnans.

1 Myghternedh 4:24

Rag ev a'n jevo mestrynses war oll an ranndir a'n gorlewin dhe'n avon a Tifsagh bys yn Gaza, war oll an vyghternedh a'n gorlewin dhe'n avon; hag ev a'n jevo kres a bub tu.

1 Myghternedh 8:2

Oll gwer Ysrael a omguntellas dhe vyghtern Solomon dhe'n goel y'n mis Ethanim, an seythves mis.

1 Myghternedh 8:66

Y'n ethves dydh ev a dhannvonas an bobel dhe-ves; hag i a vennigas an myghtern, ha mos dh'aga thyldow, lowenek hag yn spyrys da drefenn an dader oll a dhiskwedhas an Arloedh dh'y was Davydh ha dh'y bobel Ysrael.

2 Myghternedh 14:25

Ev a dhaswrug or Ysrael dhiworth Lebo-hamath bys yn mor Araba, herwydh ger Arloedh Ysrael, a gewsis dre leuv y was Yona mab Amittay, an profoes a Gath-hefer.

2 Myghternedh 17:24

Myghtern Assyria a dhros tus dhiworth Babylon, Kutha, Avva, Hamath, ha Sefarvaym, ha'ga gorra yn sitys Samaria yn le an Ysraelysi; hag i a gemmeras Samaria yn perghennogeth, ha triga yn hy threvow.

2 Myghternedh 23:33

Faro Neko a'n prisonyas yn Ribla yn pow Hamath, ma na allo reynya yn Yerusalem, hag ev a veghyas an tir gans trubyt a gans talent a arghans ha talent a owr.

1 Kroniklys 1:16

an Arvadysi, an Semarysi ha'n Hamathysi.

1 Kroniklys 13:5

Ytho Davydh a guntellas oll Ysrael dhiworth Shihor yn Ejyp bys Lebo-hamath, rag dri argh Duw dhiworth Kiryath-yearim.

2 Kroniklys 30:13

Lies den a dheuth war-barth yn Yerusalem dhe solempnya goel an bara heb goell y'n nessa mis, kuntelles fest bras.

2 Kroniklys 30:23

Ena oll an kuntelles a assentyas war-barth dhe solempnya an goel seyth dydh pella; ytho i a'n solempnyas seyth dydh pella gans lowender.

Eksodus 23:31

Ha my a wra settya dha oryon a'n Mor Rudh dhe vor an Filistysi, hag a'n gwylvos dhe'n Ewfrates; rag my a re annedhysi an tir yn agas dorn, ha ty a wra aga fesya a-ragos.

Ysay 27:12

Y'n jydh na an Arloedh a dhrush a-dhiworth kanel an Ewfrates bys yn nans Ejyp, ha hwi, mebyon Ysrael, a vydh kuntellys onan hag onan.

Ezekiel 47:19

Yn tenewen an soth y fydh dhiworth Tamar bys dowrow Meribath-kadesh, ena ryb an avon dhe'n Mor Bras. Hemma a vydh or an soth.

Amos 6:14

Rag otta, my a dhrehav kenedhel er agas pynn, A ji Ysrael, yn-medh an Arloedh, Duw an luyow; ha hi a wra agas gwaska a-dhiworth Lebo-hamath bys yn syghnans Araba.

Amos 6:2

Tremenewgh dhe Kalne, ha gwelewgh, hag alena kewgh dhe Hamath veur, hag ena diyskynnewgh dhe Gath an Filistysi. Yns i gwell ages an gwlaskordhow ma? Po yw aga thiredh brassa ages agas tiredh hwi?

Niverow 34:5

ha'n or a wra treylya a-dhiworth Asmon dhe wover Ejyp, ha'y benn a vydh orth an mor.

Niverow 34:8

a-dhiworth menydh Hor hwi a's merk bys yn Lebo-hamath, ha Sedad a vydh penn an or;

Yoshua 13:3

a-dhiworth an Shihor, usi a'n howldrevel dhe Ejyp, dhe or Ekron a'n gledhbarth (reknys yw avel kananek, kyn fo dhe bymp gwahalyeth an Filistysi, a Gaza, a Ashdod, a Ashkelon, a Gath, hag a Ekron); tiredh an Avviysi

Yoshua 13:5

tiredh an Gebalysi, hag oll Lebanon, troha'n howldrevel dhiworth Baal-gad yn-dann venydh Hermon bys Lebo-hamath.

Yoshua 15:1

An tir rynnys gans koelbrenn dhe loeth mebyon Yuda war-lergh aga theyluyow a dhallathas dhiworth or Edom yn gwylvos Sin y'n Negeb, y'n dhyghowbarth bell.

Yoshua 15:4

Ena hi a dremenas dhe Asmon, ow tos dhe wover Ejyp, ha diwedh an or o an mor. Homm o aga or dhyghow.

Yoshua 19:35

An sitys kerys o Siddim, Ser, Hammath, Rakkath, Kinnereth,

Breusysi 3:3

Pymp gwahalyeth an Filistysi, hag oll an Kananysi ha'n Sidonysi, ha'n Hivysi esa trigys war venydh Lebanon, dhiworth menydh Baal-hermon, bys Lebo-hamath.