1 Myghternedh 8:6 - An Bibel Kernewek 20234 (Kernewek Kemmyn)

⁶ Ena an oferysi a dhros argh kevambos an Arloedh dh'y thyller, yn sentri pervedhel an chi, y'n tyller an moyha sans, yn-dann eskelli an jerubim.

1 Myghternedh 8:6 ပူးပေါင်းရင်းမြစ်များ

2 Samuel 6:17

I a dhros argh an Arloedh a-ji, ha'y settya yn hy le, yn kres an tylda re dhrehavsa Davydh rygdhi; ha Davydh a offrynnas offrynnow leskys hag offrynnow kres dherag an Arloedh.

2 Samuel 6:2

Davydh a sevis, ha mos gans oll an bobel esa ganso dhiworth Baala yn Yuda, dhe dhri yn-bann alena argh Duw, yw henwys war-lergh hanow Arloedh an luyow neb a esedh war an cherubim.

1 Myghternedh 6:16

Ev a dhrehevis spas a ugens kevelin rynnys dhiworth delergh an chi gans estyll prenn keder a'n leur dhe'n kebrow, hag ev a dhrehevis hemma avel sentri pervedhel, avel an tyller an moyha sans.

1 Myghternedh 6:19

Ev a bareusis an sentri pervedhel a-ji dhe'n chi, rag gorra ena argh kevambos an Arloedh.

1 Myghternedh 6:27

Ev a worras an cherubim a-ji dhe'n sentri pervedhel; eseli an cherubim o lesys may tochyas askell onan anedha an eyl fos, hag askell y gila a dochyas an fos arall; aga eskelli erell tu ha kres an chi a dochyas askell dhe askell.

1 Myghternedh 8:3

Oll henavogyon Ysrael a dheuth, ha'n oferysi a gemmeras an argh yn-bann.

1 Myghternedh 8:4

I a dhros yn-bann argh an Arloedh, tylda an kuntelles, hag oll an lestri sans esa y'n tylda; an oferysi ha'n Levysi a's dros yn-bann.

1 Myghternedh 8:7

Rag an jerubim a lesas aga eskelli a-ugh tyller an argh, may hwrug an jerubim kudhans a-ugh an argh ha'y gwelynni.

1 Kroniklys 22:19

Lemmyn settyewgh agas kolonn ha'gas enev dhe hwilas an Arloedh agas Duw. Sevewgh yn-bann ha drehevewgh sentri an Arloedh Duw, may fo dres argh kevambos an Arloedh ha lestri sans Duw a-berth y'n chi drehevys rag hanow an ARLOEDH.’

2 Kroniklys 5:7

Ena an oferysi a dhug argh an kevambos dh'y thyller yn sentri pervedhel an chi, y'n tyller an moyha sans, yn-dann dhiwaskell an cherubim.

Salmow 80:1

Goslow, A vugel Ysrael, ty neb a hembronk Yosep avel flokk; omdhiskwa, ty neb a drig ynter an cherubim.

Salmow 80:2

A-dherag Efraym ha Benyamin ha Manasse, difun dha nerth, ha deus dh'agan selwel.

Salmow 99:1

An Arloedh yw Myghtern; krenes an poblow. Ev yw esedhys war an cherubim; krysyes an nor.

Eksodus 37:9

An jerubim a lesas aga eskelli war-vann, ow korskeusi an dregeredhva gans aga eskelli; ha'ga fasow an eyl war-tu ha'y gila; yth esa, fasow an jerubim war-tu ha'n dregeredhva.

Ysay 37:16

‘A Arloedh an luyow, Duw Ysrael, a esedh war an cherubim, ty yw Duw, ty dha honan, dhe oll gwlaskordhow an norvys. Ty re wrug nev ha nor.

Ezekiel 10:5

Son eskelli an cherubim o klewys bys y'n klos a-ves, kepar ha lev Duw Ollgalloesek pan usi ow kewsel.

Ezekiel 41:4

Ena ev a vusuras y hirder, dewgens kevelin, ha'n les dewgens kevelin a-rag an sentri. Yn-medh ev dhymm, ‘Hemm yw an tyller an moyha sans.’

1 Samuel 4:4

Ytho an bobel a dhannvonas dhe Shilo, rag may trens alena argh kevambos Arloedh an luyow neb a drig ynter an cherubim. Hag yth esa dew vab Eli, Hofni ha Finehas, ena gans argh kevambos an Arloedh.