1 Myghternedh 8:56 - An Bibel Kernewek 20234 (Kernewek Kemmyn)

⁵⁶ ‘Benniges re bo an Arloedh, re ros powes dh'y bobel Ysrael herwydh pup-tra a ambosas; ny fyllis ger vyth a'y ambos da, a gewsis der y was Moyses.

1 Myghternedh 8:56 ပူးပေါင်းရင်းမြစ်များ

2 Myghternedh 10:10

Godhvydhewgh lemmyn na goedh dhe'n dor travyth a er an Arloedh, a gewsis an Arloedh a-dro dhe ji Ahab; rag an Arloedh re wrug an pyth a leveris der y was Elias.’

1 Kroniklys 16:36

Benniges re bo an Arloedh, Duw Ysrael, trank heb worfenn.’ Hag oll an bobel a leveris, ‘Amen’ ha gormel an Arloedh.

1 Kroniklys 22:9

Awotta, mab a vydh genys dhis; ev a vydh gour a bowes ha my a re dhodho powes dhiworth oll y eskerens a-dhedro. Y hanow a vydh Solomon, ha my a re kres ha diogeledh dhe Ysrael yn y dhydhyow.

2 Kroniklys 14:6

Ev a dhrehevis sitys kerys yn Yuda ha'n tir a'n jevo powes. Ny veu bresel er y bynn y'n blydhynyow na, rag an Arloedh a ros dhodho kres.

Eksodus 18:10

Ha Yethro a leveris, ‘Benniges re bo an Arloedh re'gas livras yn-mes a leuv an Ejyptianys hag yn-mes a dhorn Faro, drefenn ev dhe livra an bobel a-dhann dhorn an Ejyptianys.

Luk 21:33

Nev ha nor a dremen dhe-ves, mes ow geryow vy, ny dremenons dhe-ves.

Dewteronomi 12:10

Mes pan dreusowgh an Yordan ha triga y'n tir a wra an Arloedh agas Duw y ri dhywgh dh'y erita, ha pan re powes dhywgh dhiworth oll agas eskerens a-derdro, hwi a drig yn sawder.

Dewteronomi 12:12

Hwi a lowenha a-rag an Arloedh agas Duw, hwi, ha'gas mebyon, ha'gas myrghes, ha'gas servysi, ha'gas maghtethyon, ha'n Levyas usi a-ji dh'agas yetys drefenn nag eus dhodho kevrenn nag eretons genowgh hwi.

Dewteronomi 3:20

bys pan re an Arloedh powes dh'agas breder, kepar dell ros dhywgh hwi, hag i ynwedh a erit an tir usi an Arloedh agas Duw ow ri dhedha dres an Yordan. Ena pubonan a dhehwel dh'y eretons re res dhywgh.’

1 Samuel 3:19

Ha Samuel a devi yn-bann, hag yth esa an Arloedh ganso, ha ny asas nagonan a'y eryow vyth koedha dhe'n leur.