1 Myghternedh 8:47 - An Bibel Kernewek 20234 (Kernewek Kemmyn)

⁴⁷ hwath mar tons dh'aga skians y'n tir may fons kemmerys yn kethneth, ha bos edregus, ha pledya genes yn tir an re a's dug yn kethneth, ow leverel, “Ni re beghas, ha kammwul; ni re wrug drogedh”,

1 Myghternedh 8:47 ပူးပေါင်းရင်းမြစ်များ

1 Myghternedh 8:33

‘Pan vydh tryghys dha bobel Ysrael a-rag eskerens, wosa pegha er dha bynn, ha treylya arta dhis hag avowa dha hanow, ha pysi ha pledya genes y'n chi ma,

2 Kroniklys 6:37

ena mar pydhons ow tos dh'aga skians y'n pow dhodho mayth yns degys avel divresow, hag i a's teves edrek, hag a bled genes yn pow aga divroedh, ow leverel, “Ni re beghas ha gul drogoberow; ni re omdhug yn trog”;

Nehemia 9:2

Ha has Ysrael a dhibarthas dhiworth estrenyon oll, ha sevel ha konfessya aga feghosow, ha kammweythresow aga thasow.

Salmow 106:6

Ni re beghas gans agan tasow; ni re wrug kammweythres ha sherewneth.

Ezekiel 16:61

Ena ty a berth kov a'th fordhow ha kemmeres meth pan ressevydh dha hwerydh, an re kottha agesos ha'n re yowynka agesos. My a's re dhis avel myrghes, mes ny vydh henna drefenn ow hevambos genes.

Ezekiel 16:63

rag may perthi kov ha bos methek, heb igeri dha anow arta drefenn dha dhisenor, pan wrav prenedh dhis rag pup-tra re wrussys, yn-medh an Arloedh Duw.

Ezekiel 18:28

Rag ev dhe weles ha treylya dhiworth oll y kammweythresow re wrug, ev a vew yn sur; ny verow.

Haggay 1:7

Yndellma y lever Arloedh an luyow: Prederewgh a'gas fordhow.

Zekaria 10:9

Kyn y's skattrav avel has yn mysk an poblow, hwath yn gwlasow pell i a berth kov ahanav. I ha'ga fleghes a vew, hag i a dhehwel.

Zekaria 12:10

Ha my a wra diveri war ji Davydh ha trigoryon Yerusalem spyrys a ras ha pysadow. I a wra mires warnav vy neb re wansons, ha kyni ragdho avel kynvann rag an unn vab, ha mornya ragdho yn hwerow avel galar rag an kynsa-genys.

1 Samuel 7:6

Hag i a omguntellas war-barth yn Mispa, ha tenna dowr ha'y dhinewi yn-mes a-dherag an Arloedh. I a benysas y'n jydh na, ha leverel, ‘Ni re beghas erbynn an Arloedh.’ Ha Samuel a vreusi mebyon Ysrael yn Mispa.