1 Myghternedh 8:44 - An Bibel Kernewek 20234 (Kernewek Kemmyn)

⁴⁴ ‘Mars a dha bobel dhe werrya erbynn aga eskerens, dre fordh bynag y's dannvonydh, hag i a bys dhe'n Arloedh war-tu ha'n sita re dhewissys ha'n chi re dhrehevis vy rag dha hanow,

1 Myghternedh 8:44 ပူးပေါင်းရင်းမြစ်များ

2 Samuel 5:19

Ytho Davydh a wovynnas orth an Arloedh, ha leverel, ‘A wrav vy mones yn-bann erbynn an Filistysi? A vynn'ta aga delivra a-berth y'm leuv?’ Ha'n Arloedh a leveris dhe Davydh, ‘Ke yn-bann; rag my a vynn yn hwir delivra an Filistysi a-berth y'th leuv.’

2 Samuel 5:23

Ha pan wovynnas Davydh orth an Arloedh, ev a leveris, ‘Ny edh yn-bann; ke a-dro a-dryv dhedha, ha deus warnedha a-dal an gwydh balsam.

1 Myghternedh 8:16

“A-dhia'n jydh may tres vy ow fobel Ysrael yn-mes a Ejyp, ny dhewisis sita vyth yn-mes a loethow Ysrael rag drehevel ow chi ynni, may fe ow hanow ena; mes my a dhewisas Davydh dhe vos a-ugh ow fobel Ysrael.”

1 Myghternedh 8:45

ena klew yn nev aga pysadow ha'ga fledyans, ha menten aga hen.

2 Kroniklys 18:31

Pan welas kaslewydhyon an jarettow Yehoshafat, i a leveris, ‘Myghtern Ysrael ywa.’ Yndella i a dreylyas dhe omladh orto; ha Yehoshafat a grias, ha'n Arloedh a'n gweresas. Duw a's tennas dhiworto,

2 Kroniklys 20:5

Yehoshafat a sevis yn kuntelles Yuda ha Yerusalem, yn chi an Arloedh, a-rag an klos nowydh,

2 Kroniklys 32:20

Ena myghtern Hezekia ha'n profoes Ysay mab Amos, a bysis a-dro dhe hemma, hag i a grias dhe nev.

2 Kroniklys 6:34

‘Mars a dha bobel dhe vatalyas orth aga eskerens, yn fordh bynag ma's dannvensys, hag i a bys dhis war-tu an sita ma a dhewissys ha war-tu an chi re dhrehevis vy rag dha hanow,

Daniel 6:10

Pan wodhva Daniel bos sinys an skrifenn, yth eth dh'y ji. Y feu ynno fenestri y'n soler igor war-tu Yerusalem. Teyrgweyth pub dydh yth esa ev ow mos war benn-dewlin rag gul pysadow ha gormola a-rag y Dhuw, dell wrussa seuladhydh.

Breusysi 4:6

Hi a dhannvonas ha gelwel Barak mab Abinoam a Kedesh Naftali, hag a leveris dhodho, ‘An Arloedh, Duw Ysrael a'th worhemmynn, “Ke ha hembronk yn-mes deg mil wour a vebyon Naftali hag a vebyon Zebulun, ha'ga dri genes dhe venydh Tabor.

Breusysi 6:14

Ena an Arloedh a dreylyas dhodho hag a leveris, ‘Ke y'th nerth ma ha delirv Ysrael a leuv Midyan; a ny wrugavy dha dhannvon?’

1 Samuel 15:18

Ha'n Arloedh a'th tannvonas war an fordh, ha leverel, “Ke, distru glan an beghadoryon, an Amalekysi, batel er aga fynn erna vons diswrys.”

1 Samuel 15:3

Lemmyn, ke ha gwask Amalek, ha distru glan pup-tra a's teves, ha na wra aga sparya; mes ladh gour ha benyn, flogh ha fleghik, ojyon ha davas, kowrvargh hag asen.” ’

1 Samuel 30:8

Ha Davydh a wovynnas orth an Arloedh, ha leverel, ‘A wrav vy helghya an bagas ma? A wrav vy aga hachya?’ Ev a worthybis dhodho, ‘Helgh, rag ty a wra yn sur aga hachya ha heb falladow sawya an brisnoryon.’