1 Myghternedh 8:35 - An Bibel Kernewek 20234 (Kernewek Kemmyn)

³⁵ ‘Pan vydh nev deges ha nyns eus glaw drefenn i dhe begha er dha bynn, hag ena i a bys war-tu ha'n tyller ma, gormel dha hanow, ha treylya dhiworth aga fegh, drefenn ty dh'aga hessydhya,

1 Myghternedh 8:35 ပူးပေါင်းရင်းမြစ်များ

2 Samuel 24:10

Ha kolonn Davydh a veu gweskys wosa ev dhe nivera an bobel. Hag yn-medh Davydh dhe'n Arloedh, ‘My re beghas yn feur y'n pyth re wrugavy. Mes lemmyn, A Arloedh, my a'th pys, gav kammweyth dha was; rag my re wrug yn foll.’

2 Samuel 24:13

Ytho Gad a dheuth dhe Davydh, ha leverel dhodho, ‘A wra seyth blydhen a dhivoetter dos dhis y'th tir? Po a vynn'ta fia tri mis a-rag dha eskerens, hag i orth dha helghya? Po a vydh tri dydh a bla y'th tir? Lemmyn preder hag ervir py gorthyp y rov dhodho ev neb a'm dannvonas.’

1 Myghternedh 17:1

Lemmyn Elias an Tishbeyas, a Tishbe yn Gilead, a leveris dhe Ahab, ‘Dell vew an Arloedh, Duw Ysrael, mayth esov ow sevel a-dheragdho, ny vydh na gluth na glaw an blydhynyow ma, marnas my a re an ger’

1 Myghternedh 8:33

‘Pan vydh tryghys dha bobel Ysrael a-rag eskerens, wosa pegha er dha bynn, ha treylya arta dhis hag avowa dha hanow, ha pysi ha pledya genes y'n chi ma,

1 Myghternedh 8:34

ena klew yn nev, ha gava pegh dha bobel Ysrael, ha'ga dri arta dhe'n tir a resys dh'aga thasow.

2 Kroniklys 6:24

‘Mar pydh dha bobel Ysrael fethys a-rag eskar, drefenn i dhe begha er dha bynn, hag ena i a dreyl arta dhis, ha gormel dha hanow, ha pysi ha pledya genes y'n chi ma,

2 Kroniklys 6:26

‘Pan vydh nev deges ha nyns eus glaw, drefenn i dhe begha er dha bynn, hag ena i a bys war-tu ha'n tyller ma, gormel dha hanow, ha treylya dhiworth aga fegh, drefenn ty dh'aga hessydhya,

Job 12:15

Mar skon ev an dowrow, i a sygh; mar kwra ev aga dyllo, i a fenn an tir.

Ysay 5:6

My a's gwra difeyth; ny vydh skethrys, na ny vydh kravellys, mes spedhas ha spern a dyv ena. My a wra gorhemmynn dhe'n kommol ma na rollons glaw warnedhi.

Ysay 9:13

Mes ny dreylyas an bobel dhe neb a's gweskis, na ny hwilsons Arloedh an luyow.

Ezekiel 14:13

Mab den, pan wra pow pegha er ow fynn ow pos dislel, ha my a ystynn ow leuv er y bynn ha terri y lorgh bara, ha dannvon ynno divoetter, ha treghi dhe-ves dhiworto den ha best;

Hosea 14:1

Dehwel, Ysrael, dhe'n Arloedh dha Dhuw; rag ty re drebuchyas yn dha gammhynseth.

Levitikus 26:19

Ha my a derr goeth agas nerth, ha my a wra agas nev avel horn ha'gas dor avel brons.

Haggay 1:10

Rakhenna an nev a-ughowgh a skon an gluth, ha'n dor y drevas.

Zekaria 14:17

An re na wrons mos yn-bann dhiworth teyluyow an norvys dhe Yerusalem dhe wordhya an Myghtern, Arloedh an luyow, ny's tevydh glaw warnedha.

Malaki 3:10

Drewgh an dega dien a-ji dhe'n withva, may fo boes y'm chi. Prevewgh vy yn hemma, yn-medh Arloedh an luyow. A ny igorav an fenestri a nev ha diveri bennath ragowgh yw moy ages lowr?

Luk 4:25

Mes dhe wir my a lever dhywgh, yth esa lies gwedhwes yn dydhyow Elias yn Ysrael, pan veu an nev kes teyr blydhen ha hwegh mis, may feu divoetter meur war oll an tir.

Romanyon 10:9

Rag mar konfessydh yn dha anow Yesu dhe vos Arloedh ha krysi y'th kolonn y hwrug Duw y dhrehevel a'n mernans, y fydhydh selwys.

Romanyon 15:9

ha rag may hwormolla an kenedhlow Duw rag y dregeredh. Dell yw skrifys, ‘Rakhenna my a vynn dha wormel yn mysk an kenedhlow ha kana dhe'th hanow jy’;

Dewteronomi 11:16

Kemmerewgh with, ma na vo agas kolonn toellys, ha hwi a dreyl dhe denewen ha servya duwow erell ha plegya dhe'n dor a-ragdha,

Dewteronomi 11:17

hag ena sorr an Arloedh a dhew er agas pynn, hag ev a dhege an ebron ha ny vydh glaw, ha ny dhre an tir y askorr, ha hwi a verow yn skon dhiwar an tir da usi an Arloedh ow ri dhywgh.

Dewteronomi 28:12

An Arloedh a iger y dresorva dha, an nevow, dhe ri glaw dhe'th tir yn y seson ha dhe venniga oll an ober a'th leuv; ty a brest dhe lies kenedhel mes ty, ny gevydh prestenn.

Diskwedhyans 11:6

Gans an re ma, yma galloes dhe dhegea an ebron, ma na goettho glaw yn dydhyow aga frofoesans, hag yma gansa galloes war dhowrow dh'aga threylya dhe woes, ha gweskel an dor gans pub pla mar venowgh dell vynnons.