1 Myghternedh 8:23 - An Bibel Kernewek 20234 (Kernewek Kemmyn)

²³ Ev a leveris. ‘A Arloedh, Duw Ysrael, nyns eus Duw avellos yn nev a-vann na war an nor a-woeles, ow kwitha an kevambos ha tregeredh rag dha wesyon a gerdh a-ragos gans oll aga holonn.

1 Myghternedh 8:23 ပူးပေါင်းရင်းမြစ်များ

Jenesis 17:1

Ha pan o Abram nownsek bloedh ha peswar-ugens, an Arloedh a omdhiskwedhas dhe Abram ha leverel dhodho, ‘Duw Ollgalloesek ov vy. Kerdh a-dheragov, ha bydh divlam.

Jenesis 33:20

Hag ev a dhrehevis ena alter, ha'y elwel El-elohe-ysrael.

2 Samuel 7:22

Rakhenna meur osta, A Arloedh Duw; rag nyns eus nagonan avelos, ha nyns eus Duw marnas ty, war-lergh pup-tra a glewsyn gans agan diwskovarn.

1 Myghternedh 2:4

may kewerro an Arloedh y er a veu kewsys ganso y'm kever, ow leverel, “Mar kwra dha fleghes gwitha aga fordh, ow kerdhes a-ragov yn gwiryonedh gans oll aga holonn ha gans oll aga enev, ny fyll dhis gour war dron Ysrael.”

1 Myghternedh 3:6

Ha Solomon a leveris, ‘Ty re dhiskwedhas dhe'th was Davydh ow thas tregeredh veur, drefenn ev dhe gerdhes a-ragos yn gwiryonedh, yn lenduri hag ewnhynseth an golonn genes; ha ty re'n gwithas rag an kuvder meur ma, ha ri mab dhodho dhe esedha war y dron hedhyw.

1 Myghternedh 6:12

‘A-dro dhe'n chi ma a dhrehevydh, mar kerdhydh yn ow ordenansow, ha bos gostydh dhe'm breusow ha gwitha oll ow gorhemmynnow ha kerdhes ynna, ena my a fast ow ambos genes, a wrug vy dhe'th tas Davydh.

1 Myghternedh 8:24

Ty re withas an pyth a leversys dhe'th was Davydh ow thas; ty a ambosas gans dha anow ha'y gollenwel hedhyw gans dha leuv.

2 Myghternedh 20:3

‘Porth kov lemmyn, A Arloedh, my a'th pys, a fatell gerdhis a-dherag dhis yn gwiryonedh hag a leun golonn, hag a wrug an pyth yw da y'th wel.’ Hag ev a oelas yn hwerow.

Ezra 1:3

Piwpynag a vo yn agas mysk yn-mes a oll y bobel a yll mos yn-bann dhe Yerusalem usi yn Yuda ha drehevel chi an Arloedh, Duw Ysrael – ev yw an Duw usi yn Yerusalem – ro bo y Dhuw ganso.

Nehemia 1:5

Yn-medhav, ‘My a'th pys, A Arloedh Duw nev, an Duw bras hag euthyk neb a with kevambos ha tregeredh rag an re a'n kar ha gwitha y worhemmynnow;

Nehemia 9:32

‘Lemmyn ytho, agan Duw, an Duw bras ha galloesek hag euthyk, neb a with kevambos ha tregeredh, na dhyght avel distyr oll an anken ma re dheuth warnan, war agan myghternedh, agan pennsevigyon, agan oferysi, agan profoesi, ha'gan tasow ha war oll dha bobel, a-dhia dermyn myghternedh Assyria bys y'n jydh hedhyw.

Salmow 113:5

Piw yw kepar ha'n Arloedh agan Duw, neb a'n jeves y drigva a-vann,

Salmow 35:10

Ow eskern oll a lever, A Arloedh, piw yw avelos jy, ow telivra an den gwann dhiworth piwpynag a vo re grev ragdho, an den gwann ha boghosek dhiworth neb a'n pyll.

Salmow 86:8

Yn mysk an duwow nyns eus nagonan kepar ha ty, A Arloedh, ha nyns eus gwriansow kepar ha'th wriansow jy.

Eksodus 15:11

‘Piw yw haval dhis, A Arloedh, yn mysk an duwow? Piw yw haval dhis, meur yn sansoleth, euthyk yn gwriansow splann, ow kul marthusyon?

Eksodus 3:15

Duw a leveris ynwedh dhe Moyses, ‘Lavar hemma dhe vebyon Ysrael, “An Arloedh, Duw agas tasow, Duw Abraham, Duw Ysak, ha Duw Yakob, re'm dannvonas dhywgh”: hemm yw ow hanow bys vykken, hag yndellma my a vydh kovhes dres henedhow oll.

Ysay 40:18

Piw dhodho yth hevelebowgh Duw, po py hevelep a vynnowgh y wul dhodho?

Ysay 40:25

Ytho piw dhodho y'm hevelebowgh, may fiv par dhodho? yn-medh an Sans.

Yeremia 10:16

Nyns yw rann Yakob avella: rag ev yw formyer pup-tra hag Ysrael yw gwelenn y eretons: Arloedh an luyow yw y hanow.

Yeremia 10:6

Rag nyns eus nagonan avelos A Arloedh, ty yw meur, ha'th hanow yw meur y alloes.

Daniel 9:4

Pysi war an Arloedh ow Duw ha konfessya a wrug, ow leverel, ‘Ogh Arloedh, an Duw meur hag euthyk, neb a with an kevambos ha tregeredh rag an re a'n kar ha gwitha y worhemmynnow,

Luk 1:72

dhe wul tregeredh dh'agan tasow, ha dhe berthi kov a'y gevambos sans,

Dewteronomi 7:12

Drefenn hwi dhe glewes an breusow ma ha bos diwysyk dh'aga gul, an Arloedh dha Dhuw a with ragos an kevambos ha'n tregeredh a dos dhe'th tasow.

Dewteronomi 7:9

Rakhenna godhvydh an Arloedh dha Dhuw dhe vos Duw, an Duw len, ow kwitha y gevambos ha'y dregeredh dhe'n re usi orth y gara hag ow kwitha y worhemmynnow, dhe vil henedh;

1 Samuel 2:2

‘Nyns eus Sans kepar ha'n Arloedh, nyns eus nagonan marnas ty; nyns eus karrek kepar ha'gan Duw.