1 Myghternedh 8:22 - An Bibel Kernewek 20234 (Kernewek Kemmyn)

²² Ena Solomon a sevis a-rag alter an Arloedh yn lok oll kuntelles Ysrael, hag ystynn y dhiwleuv dhe nev.

1 Myghternedh 8:22 ပူးပေါင်းရင်းမြစ်များ

1 Myghternedh 8:54

Lemmyn pan worfennas Solomon profya an pysadow ma ha'n pledyans ma dhe'n Arloedh, ev a sevis a-dherag alter an Arloedh, le may fia war benn-dewlin ha'y dhiwleuv ystynnys dhe nev;

2 Myghternedh 11:14

Hi a viras, hag otta an myghtern ow sevel ryb an goloven, herwydh usadow. An bennsevigyon ha'n hirgernysi esa ryb an myghtern, hag yth esa oll pobel an pow ow lowenhe, ha seni hirgern. Athalia a skwardyas hy dillas ha kria, ‘Trayturi! Trayturi!’

2 Myghternedh 23:3

An myghtern a sevis ryb an goloven ha gul kevambos a-dherag an Arloedh, dhe holya an Arloedh, dhe witha y worhemmynnow ha'y dhustuniow ha'y ordenansow gans oll aga holonn hag oll aga enev, dhe fastya geryow an kevambos ma a veu skrifys y'n lyver ma. Hag oll an bobel a sevis y'n kevambos.

Ezra 9:5

Hag orth offrynn an gorthugher my a sevis a-dhiworth ow uvelheans; ha'm dillas ha'm mantell skwardys, my a goedhas war benn-dewlin, ha lesa ow diwla dhe'n Arloedh ow Duw,

Job 11:13

‘Mar pareusydh dha golonn, hag ystynn dha leuv trohag ev,

Salmow 28:2

Klew lev ow govynnadow, pan griav dhis rag gweres, pan dhrehavav ow diwleuv troha'th tempel sans.

Salmow 63:4

Ytho my a'th vennik hedre vewiv; my a dhrehav ow diwleuv dhe'th hanow.

Eksodus 33:10

Ha pan weli an bobel an goloven a gommol ow sevel orth daras an tylda, oll an bobel a sevi ha gordhya, pub den orth treudhow y dylda.

Eksodus 9:29

Moyses a leveris dhodho, ‘Kettell av vy a'n sita, my a wra ystynn ow diwla dhe'n Arloedh; hedhi a wra an taran, ha ny vydh namoy keser, may hwodhvi bos an nor dhe'n Arloedh.

Eksodus 9:33

Ytho Moyses eth yn-mes a'n sita dhiworth Faro, hag ystynn y dhiwdhorn dhe'n Arloedh; ha'n taran ha'n keser a hedhis, ha ny goedhas na fella an glaw war an nor.

Ysay 1:15

Pan ystynnowgh agas diwleuv, my a gudh ow dewlagas ragowgh; ynwedh pan wrewgh meur a bysadow, ny woslowav vy. Agas diwleuv yw leun a woes.

1 Timothi 2:8

Ytho, my a vynn may hwrello pysi an wer yn pub le, ow trehevel diwla sans heb sorr na disputyans.