1 Myghternedh 8:20 - An Bibel Kernewek 20234 (Kernewek Kemmyn)

²⁰ Lemmyn an Arloedh re geweras an ambos a wrug; rag my re sevis yn le ow thas Davydh; hag esedhys ov war dron Ysrael, dell ambosas an Arloedh, ha my re dhrehevis an chi rag hanow an Arloedh, Duw Ysrael.

1 Myghternedh 8:20 ပူးပေါင်းရင်းမြစ်များ

2 Samuel 7:12

Ha pan vydh dha dhydhyow kollenwys, ha ty a wrowedh gans dha dasow, my a dhrehav dha has war dha lergh, neb a dheu a'th korf, ha my a fast y vyghterneth.

1 Myghternedh 1:48

Hag ynwedh an myghtern a leveris, “Benniges yw an Arloedh, Duw Ysrael, neb re ros nebonan dhe esedha war ow thron hedhyw, ha'm dewlagas ynwedh dh'y weles.” ’

1 Myghternedh 8:15

Ev a leveris, ‘Benniges re bo an Arloedh, Duw Ysrael, neb gans y leuv re gollenwis an pyth a ambosas a'y anow dhe'm tas Davydh, ow leverel,

Nehemia 9:8

ha ty a gavas y golonn lel a-dheragos ha gul an kevambos ganso dhe ri dh'y has tir an Kananysi, an Hittysi, an Amorysi, an Perizzysi, an Yebusysi ha'n Girgashysi. Ty re geweras dha eryow, rag gwiryon os.

Salmow 138:2

My a ombleg troha'th tempel sans, hag a wormel dha hanow, drefenn dha dregeredh ha'th wiryonedh, rag ty re veurhas dha hanow ha'th lavar a-ugh pup-tra.

Ysay 9:7

Dhe ynkressyans an arloettys ha dhe gres ny vydh finweth, rag tron Davydh ha rag y vyghterneth, dh'y fastya ha dh'y skoedhya gans gwirvreus hag ewnder alemma rag ha bys vykken. Gwres Arloedh an luyow a wra hemma.

Ezekiel 12:25

Mes my, an Arloedh, a gews an pyth a gowsav hag ev a hwyrvydh. Ny vydh delatys na fella; mes yn agas dydhyow, a ji diwostydh, my a gews an ger ha'y gowlwul, yn-medh an Arloedh Duw.

Ezekiel 37:14

Ha my a worr ow spyrys ynnowgh, ha hwi a vew, ha my a'gas sett yn agas tiredh agas honan. Ena hwi a woer my, an Arloedh, dhe gewsel, ha my a'n kollenow’, yn-medh an Arloedh.

Mika 7:20

Ty a dhiskwa lenduri dhe Yakob ha tregeredh dhe Abraham, dell desys dh'agan tasow a-dhia'n dydhyow koth.

Oberow 7:47

Mes y feu Solomon neb a dhrehevis chi ragdho.

Romanyon 4:21

hag ow pos sur y hylli Duw gul an pyth re ambossa.

Filippianys 1:6

ow trestya dhe'n keth tra ma: neb re dhallathas gwrians da ynnowgh dh'y gowlwul bys yn dydh Yesu Krist;

Yoshua 21:45

Ny fyllis nagonan a'n ambosow da re gowssa an Arloedh dhe ji Ysrael; pubonan oll a veu kollenwys.