1 Myghternedh 8:10 - An Bibel Kernewek 20234 (Kernewek Kemmyn)

¹⁰ Ha pan dheuth an oferysi yn-mes a'n tyller sans, kommolenn a lenwis chi an Arloedh,

1 Myghternedh 8:10 ပူးပေါင်းရင်းမြစ်များ

1 Myghternedh 8:11

ma na ylli an oferysi sevel dhe venystra drefenn an gommolenn; rag golewder an Arloedh a lenwis chi an Arloedh.

Salmow 97:2

Yma kommol ha tewlder a-dro dhodho; ewnder ha gwirvreus yw sel y se.

Eksodus 16:10

Ha dell gewsi Aron dhe'n kuntelles oll a vebyon Ysrael, i a viras war-tu ha'n gwylvos, hag otta, golewder an Arloedh a omdhiskwedhas y'n gommolenn.

Ysay 6:1

Y'n vlydhen may ferwis myghtern Uzzia, my a welas an Arloedh esedhys yn se, ughel ha drehevys, ha lostennow y bows a lenwis an tempel.

Ysay 6:4

Ha peulyow an treudhow a grenas orth lev neb a elwi, ha'n chi a veu lenwys a vog.

Ezekiel 10:4

Ha glori Duw Ysrael a yskynnas a-dhiwar an cherub bys yn treudhow an chi, ha'n chi o lenwys a'n gommolenn, ha'n klos o leun a splannder glori an Arloedh.

Levitikus 16:2

Hag yn-medh an Arloedh dhe Moyses, Lavar dhe Aron dha vroder na dheffo pub eur oll a-berth y'n tyller sans a-ji dhe'n vayl dherag an dregeredhva usi war an argh, ma na varwo, rag my a vynn omdhiskwedhes y'n gommolenn war an dregeredhva.

Haggay 2:7

Ha my a wra oll an kenedhlow dhe grena, ha tresoryow an kenedhlow oll a dheu, ha my a lenow an chi ma gans golewder, yn-medh Arloedh an luyow.

Diskwedhyans 15:8

Ha'n tempel a veu lenwys a vog a'n golewder a Dhuw ha'y alloes, ha denvyth ny ylli mos a-bervedh y'n tempel bys pan veu kowlwrys seyth pla an seyth el.