1 Myghternedh 8:1 - An Bibel Kernewek 20234 (Kernewek Kemmyn)

¹ Ena Solomon a guntellas henavogyon Ysrael hag oll pennow an loethow, ha hembrenkysi chiow tasow Ysrael, a-rag myghtern Solomon yn Yerusalem, rag dri argh kevambos an Arloedh yn-mes a sita Davydh, hag yw Sion.

1 Myghternedh 8:1 ပူးပေါင်းရင်းမြစ်များ

2 Samuel 6:6

Pan dheuthons dhe leur-drushya Nakon, Uzza a ystynnas y leuv war-tu hag argh Duw, ha settya dalghenn ynni, rag an oghen dh'y shakya.

1 Myghternedh 2:10

Ytho Davydh a goskas gans y dasow, hag a veu ynkleudhys yn sita Davydh.

1 Myghternedh 3:15

Ena Solomon a dhifunas; hunros o. Ev a dheuth dhe Yerusalem le may sevis a-rag argh kevambos an Arloedh. Ev a offrynnas offrynnow leskys hag offrynnow kres, ha provia gwledh rag oll y wesyon.

1 Kroniklys 11:7

Yth esa Davydh trigys y'n dinas; rakhenna i a's henwis sita Davydh.

1 Kroniklys 15:25

Ena Davydh ha henavogyon Ysrael, ha kaptenyon an milyow, eth dhe dhri yn-bann argh kevambos an Arloedh dhiworth chi Obed-edom gans lowena.

1 Kroniklys 15:29

Pan dheuth argh kevambos an Arloedh a-ji dhe sita Davydh, Mikal myrgh Sowl a viras der an fenester, ha gweles myghtern Davydh ow tonsya hag ow lowenhe; ha hi a'n dispresyas yn hy holonn.

1 Kroniklys 15:3

Davydh a guntellas oll Ysrael yn Yerusalem dhe dhoen argh an Arloedh yn-bann dh'y thyller re dharbarsa ev dhedhi.

1 Kroniklys 28:1

Myghtern Davydh a guntellas yn Yerusalem oll soedhogyon Ysrael, pennow an loethow, pennow an rannow a servya an myghtern, kaptenyon milyow, kaptenyon kansow, an soedhogyon a'n jevo charj a oll an pythow hag a oll chatel an myghtern ha'y vebyon, war-barth gans soedhogyon an palys, an gasoryon hag oll an vreselyoryon golonnek.

2 Kroniklys 30:1

Hezekia a dhannvonas dhe oll Ysrael ha Yuda, hag a skrifas lytherow ynwedh dhe Efraym ha dhe Manasse, may teffons dhe ji an Arloedh yn Yerusalem rag solempnya pask an Arloedh, Duw Ysrael.

Ezra 3:1

Pan dheuth an seythves mis, ha mebyon Ysrael y'n sitys, an bobel a omguntellas gans unn akord yn Yerusalem.

Salmow 102:21

dhe dherivas hanow an Arloedh yn Sion, ha'y wormola yn Yerusalem,

Salmow 9:11

Kenewgh gormola dhe'n Arloedh trigys yn Sion, derivewgh y wriansow yn mysk an poblow.

Ysay 28:16

rakhenna yndellma y lever an Arloedh Duw, Otta, yth esov ow gorra selven yn Sion, men prevys, pennmen drudh, selven sur; piwpynag a grysso ny vydh fysk.

Ysay 46:13

My a dhre ow ewnder yn ogas, ny vydh pell, ha'm selwyans, ny wra ev strechya. My a re selwyans dhe Sion, ha dhe Ysrael y rov ow splannder.

Niverow 1:4

Hag y fydh genowgh gour a bub loeth, pubonan ow pos penn y deylu.

Yoshua 23:2

Yoshua a elwis oll Ysrael, aga henavogyon, aga rewloryon, aga breusysi ha'ga soedhogyon, ha leverel dhedha, ‘Gyllys koth ov lemmyn y'm dydhyow;

Yoshua 24:1

Ena Yoshua a guntellas oll loethow Ysrael yn Shekem, ha gelwel henavogyon Ysrael, an rewloryon, an vreusysi ha'n soedhogyon; hag i a sevis a-dherag Duw.

1 Peder 2:6

Rag skrifys yw y'n Skryptor, ‘Otta, my a worr yn Sion men, pennmen dewisys, drudh, ha neb a grys ynno ny'n jevydh meth.’