1 Myghternedh 7:38 - An Bibel Kernewek 20234 (Kernewek Kemmyn)

³⁸ Ev a wrug deg golghell a vrons, pub golghell ow synsi dew-ugens bath, ha peswar kevelin hy musur a-dreus; yth esa golghell rag pubonan a'n deg karrigell.

1 Myghternedh 7:38 ပူးပေါင်းရင်းမြစ်များ

Diskwedhyans 7:14

Ha my a leveris dhodho, ‘Ow arloedh, ty a woer.’ Hag yn-medh ev dhymm, ‘An re ma yw neb a dheuth yn-mes a anken meur, ha re wolghas aga fowsyow ha'ga gwynnhe yn goes an Oen.

1 Yowann 1:7

Mes mar kerdhyn y'n golewder dell usi ev y'n golewder, ni a'gan beus kowethyans an eyl gans y gila, ha goes Yesu Krist a'gan golgh a bub peghes.

Ebrowyon 10:22

nesyn gans kolonn wir yn surneth leun a fydh, agan kolonn purhes glan a debelgowses ha'gan korf golghys gans dowr pur.

Ebrowyon 9:10

marnas dyghtya boes ha diwes hag omwolghans liesek, ordenansow an kig, gorrys warnedha bys termyn dasfurvyans.

Zekaria 13:1

Y'n jydh na y fydh fenten igerys dhe ji Davydh ha dhe drigoryon Yerusalem rag pegh ha mostedhes.

Eksodus 38:8

Hag ev a wrug an wolghell a vrons ha'y sel a vrons, dhiworth gwedrow an benynes a venystra orth daras tylda an kuntelles.

Eksodus 30:28

ha'n alter a offrynnow leskys gans oll hy daffar ha'n wolghell ha'y sel;

1 Myghternedh 7:27

Ev a wrug ynwedh an deg karrigell a vrons; pub karrigell o peswar kevelin hy hys, peswar kevelin hy les, ha tri hevelin hy ughelder.

1 Myghternedh 7:39

Ev a worras pymp karrigell orth tenewen dyghow an chi ha pymp orth tenewen kledh an chi; ev a settyas an mor orth kornell dhyghow-duryen an chi.