1 Myghternedh 7:21 - An Bibel Kernewek 20234 (Kernewek Kemmyn)

²¹ Ev a settyas an kolovenyow yn-bann yn portal an tempel. Ev a dhrehevis an goloven dhyghow ha'y henwel Yakin, hag ev a dhrehevis an goloven gledh ha'y henwel Boaz.

1 Myghternedh 7:21 ပူးပေါင်းရင်းမြစ်များ

2 Samuel 7:12

Ha pan vydh dha dhydhyow kollenwys, ha ty a wrowedh gans dha dasow, my a dhrehav dha has war dha lergh, neb a dheu a'th korf, ha my a fast y vyghterneth.

1 Myghternedh 6:3

An portal a-rag sentri an chi o ugens kevelin hy les, a-dreus les an chi, ha deg kevelin o hy les a-rag an chi.

1 Myghternedh 7:12

An klos meur a'n jevo teyr res a veyn treghys oll a-dro, hag unn res a gebrow keder treghys; yndellma yth o ynwedh yn klos pervedhel chi an Arloedh ha portal an chi.

1 Myghternedh 7:22

War benn an kolovenyow yth esa gweyth lili. Yndellma y feu gorfennys ober an kolovenyow.

2 Kroniklys 3:17

Ev a settyas an kolovenyow a-rag an tempel, an eyl a-dhyghow ha'y gila a-gledh; an goloven a-dhyghow ev a henwis Yakin, ha'n goloven a-gledh ev a henwis Boaz.

2 Kroniklys 4:13

an peswar kans greunaval rag an dhiw roesweyth, dew rew a reunavalow rag pub roesweyth, dhe gudha an dhew benn-koloven yn furv bolla;

Ysay 45:24

A-dro dhymmo vy y leverir, nag eus ewnder na nerth saw unnsel y'n Arloedh. Bys dhodho y teu gans meth peub a'n jevo sorr orto.

Ysay 9:7

Dhe ynkressyans an arloettys ha dhe gres ny vydh finweth, rag tron Davydh ha rag y vyghterneth, dh'y fastya ha dh'y skoedhya gans gwirvreus hag ewnder alemma rag ha bys vykken. Gwres Arloedh an luyow a wra hemma.

Matthew 16:18

Ha my a lever dhis, ty yw Peder ha war an garrek ma y trehavav ow eglos, ha porthow ifarn ny wra hy thryghi.

Galatianys 2:9

hag ow konvedhes an gras re beu res dhymm, Jamys ha Kefas ha Yowann, hag i an kolovenyow dell dybys, a ros an dhorn dhyghow a gowethyans dhymm ha dhe Barnabas, mayth ellen ni dhe'n Jentilys, hag i aga honan dhe'n dus trodreghys;

Diskwedhyans 3:12

Neb a fettho, my a'n gwra koloven yn tempel ow Duw, ha ny wra ev mos yn-mes anodho namoy, ha hanow ow Duw a skrifav warnodho, ha hanow sita ow Duw, Yerusalem nowydh, ow tiyskynna yn-mes a'n nev dhiworth ow Duw, ha'm hanow nowydh ynwedh.

Ruth 2:19

Yn-medh hy hweger dhedhi, ‘Ple hwruss'ta kuntell gesigow hedhyw? Ple hwruss'ta oberi? Re bo benniges neb a'th attendyas.’ Ha hi a dherivas orth hy hweger hanow an gour a wrug hi oberi ganso, ow leverel, ‘Hanow an gour a wrug vy oberi ganso yw Boaz.’

Ruth 4:21

ha Salmon a dhineythis Boaz, ha Boaz a dhineythis Obed,