1 Myghternedh 7:2 - An Bibel Kernewek 20234 (Kernewek Kemmyn)

² Ev a dhrehevis Chi Koeswik Lebanon kans kevelin y hys, hanter-kans kevelin y les, ha deg kevelin warn ugens y ughelder, drehevys gans peder res a golovenyow keder, gans kebrow keder war an kolovenyow.

1 Myghternedh 7:2 ပူးပေါင်းရင်းမြစ်များ

1 Myghternedh 10:17

Ev a wrug tri hans bokler a owr mortholys; tri mina a owr eth yn pub bokler; ha'n myghtern a's gorras yn Chi Koeswik Lebanon.

1 Myghternedh 10:21

Oll lestri eva Solomon o gwrys yn owr, hag oll lestri Chi Koeswik Lebanon a veu a owr pur; nyns esa nagonan yn arghans – y feu reknys avel isel y dalvosogeth yn dydhyow Solomon.

1 Myghternedh 7:3

An to a veu gwrys a gederwydh war an pymp keber ha dew-ugens, pymthek yn pub rew, esa war an kolovenyow.

1 Myghternedh 9:1

Pan worfennas Solomon drehevel chi an Arloedh ha chi an myghtern ha pup-tra a dhesiryas Solomon y dhrehevel,

1 Myghternedh 9:19

keffrys ha sitys-gwithva Solomon, ha'n sitys rag y jarettow, an sitys rag y vergh, ha pup-tra a dhesiryas Solomon y dhrehevel yn Yerusalem, yn Lebanon, hag yn oll tiredh y vestrynses.

2 Kroniklys 9:16

Ev a wrug ynwedh tri hans bokler a owr mortholys; tri mina a owr eth yn pub bokler. An myghtern a's gorras yn Chi Koes Lebanon.

An Gan a Ganow 7:4

Kepar ha tour gwrys a dhans-olifans yw dha gonna, dha dhewlagas avel pollow yn Heshbon, ryb yet Bath-rabbim. Dha droen yw kepar ha tour Lebanon, ow mires war-tu ha Damaskus.

Ysay 22:8

Ev a gemmeras dhe-ves kudhans Yuda. Y'n jydh na ty a viras orth arvow Chi an Goeswik.