1 Myghternedh 7:14 - An Bibel Kernewek 20234 (Kernewek Kemmyn)

¹⁴ Ev o mab gwedhwes a loeth Naftali, ha'y das, gour a Tyr, re bia krefter brons; ev o leun a sleyghneth, poell ha skentoleth yn pub eghenn a ober yn brons. Ev a dheuth dhe Solomon hag a wrug oll y ober.

1 Myghternedh 7:14 ပူးပေါင်းရင်းမြစ်များ

2 Kroniklys 2:14

may feu y vamm a Dan, ha'y das o gour a Tyr. Dyskys ywa dhe oberi yn owr, arghans, brons, horn, men, ha prenn, hag yn pann purpur, glas ha rudhgogh, ha lien fin, ha dhe wul gravyans a lies sort, ha dhe wul pub desin oll a rer dhodho, gans dha seri dha honan, ha seri ow arloedh, dha das Davydh.

2 Kroniklys 2:6

Mes piw a yll drehevel chi ragdho, a-ban na yll an ughella nev y synsi? Piw ov vy bys may trehavav chi ragdho, marnas y vos avel tyller dhe leski offrynnow a-ragdho?

2 Kroniklys 4:11

Huram a wrug an pottow, an reuvow, ha'n basonyow. Yndella Huram a worfennas an ober a omgemmeras rag myghtern Solomon yn chi Duw:

2 Kroniklys 4:16

An pottow, an reuvow, an kigveryow, hag oll an daffar ragdha: Huram-abi a's gwrug a vrons lentrus rag myghtern Solomon, rag chi an Arloedh.

Eksodus 28:3

Ha ty a gews orth oll an re yw abel, neb a lenwis vy gans skentoleth, may hwrons gwiskasow Aron dh'y sakra dhe'm servya avel oferyas.

Eksodus 35:30

Ha Moyses a leveris dhe vebyon Ysrael, Mirewgh, an Arloedh re elwis dre hanow Besalel mab Uri, mab Hur, a loeth Yuda;

Eksodus 35:31

hag ev re'n lenwis gans Spyrys Duw, gans furneth ha konvedhes, gans skians ha gans kreftweyth a bub eghenn,

Eksodus 35:35

Ev re's lenwis gans galloes dhe wul pub eghenn a ober gwrys gans krefter po gweythor kweth po brosyer yn pann glas ha purpur ha kogh ha sendal, po gans gwiader; oberoryon yn kreftweyth a bub eghenn, ha gweythoryon kweth a dhevisyow konnyk.

Eksodus 36:1

Besalel hag Oholiab ha pub krefter konnyk ynno may hworras Duw furneth ha konvedhes dhe wodhvos gul oll ober vyth yn gwrians an sentri a wra oberi herwydh oll re worhemmynnis an Arloedh.

Eksodus 36:8

Ha pub krefter konnyk yn mysk an weythoryon neb a wre ober an tabernakel a wrug deg kroglenn; gwiys gans sendal plethys ha pann glas ha purpur ha kogh ha cherubim, ober gweythor kweth.

Ysay 28:26

Y Dhuw a wra y gevarwoedha, ha'y dhyski yn ewn.