1 Myghternedh 6:5 - An Bibel Kernewek 20234 (Kernewek Kemmyn)

⁵ Hag erbynn fosow an chi ev a dhrehevis ystynnans a-dro dhe'n chi ha'n sentri pervedhel; hag ev a wrug chambouryow oll a-dro.

1 Myghternedh 6:5 ပူးပေါင်းရင်းမြစ်များ

1 Myghternedh 6:16

Ev a dhrehevis spas a ugens kevelin rynnys dhiworth delergh an chi gans estyll prenn keder a'n leur dhe'n kebrow, hag ev a dhrehevis hemma avel sentri pervedhel, avel an tyller an moyha sans.

1 Myghternedh 6:31

Rag porth an sentri pervedhel ev a wrug darasow a brenn oliv; penn an daras ha'n postow o pympkornek.

1 Myghternedh 6:6

An isella leur o pymp kevelin y les; an leur kres o hwegh kevelin y les ha'n tressa o seyth kevelin y les; rag tu a-ves an chi ev a wrug estyll kul war an fos ma na ve gorrys an kebrow yn fosow an chi.

1 Kroniklys 23:28

Aga dever o oberi ryb tenewen an oferysi, mebyon Aron, ha dhe weres yn servis chi an Arloedh, gans charj a'n klosow, an chambouryow, purheans oll an taklow sans, hag ober arall rag servis chi Duw;

1 Kroniklys 28:11

Davydh a ros dhe Solomon y vab an towl rag portal an tempel ha'y dhrehevyansow, y dresorvaow, y jambouryow gwarthav, y jambouryow pervedhel ha chi an dregeredhva;

1 Kroniklys 9:26

An peswar chyf porther, neb o Levysi, a'n jevo charj a jambouryow ha gwithvaow chi Duw.

2 Kroniklys 31:11

Hezekia a worhemmynnis may fe gwithvaow pareusys yn chi an Arloedh; hag i a's pareusis.

2 Kroniklys 4:20

an kantolbrennyer ha'ga lugern a owr pur dhe leski a-rag an sentri, herwydh an rewlow;

2 Kroniklys 5:7

Ena an oferysi a dhug argh an kevambos dh'y thyller yn sentri pervedhel an chi, y'n tyller an moyha sans, yn-dann dhiwaskell an cherubim.

2 Kroniklys 5:9

Mar hir o an gwelennow bys mayth o gwelys aga fennow dhiworth an tyller sans a-rag an sentri pervedhel, mes ny yllys aga gweles a'n tylleryow a-ves; ymons i ena bys y'n jydh ma.

Nehemia 10:37

ha dhe dhri kynsa frut agan bleus garow, ha'gan offrynnow, ha'n frut a oll an gwydh, an win ha'n oyl, dhe'n oferysi, dhe jambouryow chi agan Duw; ha dhe dhri dhe'n Levysi an degedhow a'gan dor, rag yth yw an Levysi a guntell an degedhow yn oll an trevow le mayth oberyn.

Nehemia 12:44

Y'n jydh na, gwer a veu apoyntys dhe gavoes charj a'n roumys rag an proviansow, an offrynnow, an kynsa frut ha'n degedhow, dhe guntell ynna dhiworth an gwelyow a-dro dhe'n trevow an rannow erghys der an lagha rag an oferysi ha'n Levysi; rag Yuda a lowenhas drefenn an oferysi ha'n Levysi esa ow menystra.

Salmow 28:2

Klew lev ow govynnadow, pan griav dhis rag gweres, pan dhrehavav ow diwleuv troha'th tempel sans.

Eksodus 25:22

Ena my a wra metya genes, hag a-ugh an dregeredhva, ynter an dhew jerub usi war argh an dustuni, my a gews genes a-dro dhe bup-tra a worhemmynnav dhis rag mebyon Ysrael.

An Gan a Ganow 1:4

Tenn vy war dha lergh – poenya a wren! An myghtern re'm kyrghas a-bervedh yn y jambouryow, Heudhik on ni ha ni a lowenha ynnos; ni a govha dha gerensa moy ages gwin, yn ewn i re'th karas!

Yeremia 35:2

Ke dhe ji an Rekabysi ha kewsel dhedha, ha'ga dri dhe ji an Arloedh, a-ji dhe onan a'n chambouryow, ha ri dhedha gwin dhe eva.

Yeremia 35:4

My a's dros dhe ji an Arloedh yn chambour mebyon Hanan mab Ygdalia, gour Duw, hag esa ogas dhe jambour an bennsevigyon, a-ugh stevell Maaseya mab Shallum, gwithyas an treudhow.

Ezekiel 40:17

Ena ev a'm dros bys y'n klos a-ves, hag otta, yth esa helyow ena, ha leur a leghveyn gwrys rag an klos oll a-dro; yth esa deg hel warn ugens war an leur.

Ezekiel 40:44

Tu a-ves dhe'n yet a-bervedh yth esa helyow rag an genysi y'n klos a-bervedh, onan ryb tenewen yet an gogledh, a vir troha'n soth, an arall ryb tenewen yet an est, a vir troha'n gogledh.

Ezekiel 41:4

Ena ev a vusuras y hirder, dewgens kevelin, ha'n les dewgens kevelin a-rag an sentri. Yn-medh ev dhymm, ‘Hemm yw an tyller an moyha sans.’

Levitikus 16:2

Hag yn-medh an Arloedh dhe Moyses, Lavar dhe Aron dha vroder na dheffo pub eur oll a-berth y'n tyller sans a-ji dhe'n vayl dherag an dregeredhva usi war an argh, ma na varwo, rag my a vynn omdhiskwedhes y'n gommolenn war an dregeredhva.

Niverow 7:89

Ha pan eth Moyses dhe dylda an kuntelles dhe gewsel gans an Arloedh, ev a glewas lev ow kewsel orto a-ugh an dregeredhva hag esa war argh an dustuni, yntra dew gerub; hag ev a gewsis orto.