1 Myghternedh 6:29 - An Bibel Kernewek 20234 (Kernewek Kemmyn)

²⁹ A-dro dhe barosyow an chi ev a gervyas cherubim, palmwydh, ha bleujennow igor, a-ji hag a-ves.

1 Myghternedh 6:29 ပူးပေါင်းရင်းမြစ်များ

1 Myghternedh 6:18

An prenn keder a-ji dhe'n chi a'n jevo kervyansow pompyons ha bleujennow igor; pup-tra o prenn keder, nyns esa men dhe vos gwelys.

1 Myghternedh 6:28

Ev a worlownas an cherubim ynwedh gans owr.

1 Myghternedh 6:30

Leur an chi ev a worlownas gans owr y'n stevellow a-ji hag a-ves.

1 Myghternedh 6:32

Ev a gudhas an darasow a brenn oliv gans kervyansow a jerubim, palmwydh, ha bleujennow igor; ev a's gorlownas gans owr, ha mortholya owr war an cherubim ha war an palmwydh.

2 Kroniklys 3:14

Ev a wrug an groglenn a lien fin glas ha purpur ha rudhgogh hy liw, hag ynni ev a wias cherubim.

2 Kroniklys 3:7

Ev a worowras an chi gans owr – an kebrow, an treudhow, an fosow, ha'n darasow; hag ev a gervyas cherubim war an fosow.

Salmow 103:20

Bennigewgh an Arloedh, hwi eledh ev, hwi alloesogyon a wra herwydh y er ev, seul a woslow orth y lev pan gews ev.

Salmow 148:2

Gormelewgh ev, oll hwi y eledh ev; gormelewgh ev, oll y luyow.

Salmow 74:6

Ha lemmyn i a dhral oll an prennweyth gravys gans boelyow ha mortholow.

Eksodus 26:1

Ha, ty a wra an tabernakel gans deg kroglenn a sendal plethys ha pann glas ha purpur ha kogh; gans cherubim, ober gweythor kweth, ty a's gwra.

Eksodus 36:8

Ha pub krefter konnyk yn mysk an weythoryon neb a wre ober an tabernakel a wrug deg kroglenn; gwiys gans sendal plethys ha pann glas ha purpur ha kogh ha cherubim, ober gweythor kweth.

Ezekiel 40:16

Yth esa fenestri ynn dhe'n logow, ha dh'aga hilbostow a-ji dhe'n yet oll a-dro, hag ynwedh yth esa fenestri dhe'n portals war-ji oll a-dro; ha war an kilbostow yth esa palmys.

Ezekiel 41:18

yth o kervys cherubim ha palmys, palm yntra cherub ha cherub. Dhe bub cherub yth esa dew fas,

Efesianys 3:10

may fe deklarys lemmyn dhe'n prynsipatys ha'n potestatys y'n tylleryow nevek, der an eglos, furneth Duw, meur hy diverseth,

Diskwedhyans 7:9

Wosa hemma, my a welas, hag otta, routh veur, na ylli denvyth hy nivera, a bub kenedhel ha loeth ha pobel ha taves; i a sevi a-dherag an tron hag a-dherag an Oen, gwiskys yn powsyow gwynn, ha palmys yn aga diwla;