1 Myghternedh 6:12 - An Bibel Kernewek 20234 (Kernewek Kemmyn)

¹² ‘A-dro dhe'n chi ma a dhrehevydh, mar kerdhydh yn ow ordenansow, ha bos gostydh dhe'm breusow ha gwitha oll ow gorhemmynnow ha kerdhes ynna, ena my a fast ow ambos genes, a wrug vy dhe'th tas Davydh.

1 Myghternedh 6:12 ပူးပေါင်းရင်းမြစ်များ

2 Samuel 7:5

Ke ha lavar dhe'm gwas Davydh: Yndellma y lever an Arloedh: A dhrehevydh ragov chi dhe driga ynno?

1 Myghternedh 11:10

ha gorhemmynn dhodho war an dra ma na holya duwow erell; mes ny verkyas an pyth a worhemmynnis an Arloedh.

1 Myghternedh 3:14

Mar kerdhydh y'm fordhow, ow kwitha ow ordenansow hag ow gorhemmynnow, dell gerdhi dha das Davydh, ena my a ystynn dha dhydhyow.’

1 Myghternedh 6:11

Ger an Arloedh a dheuth dhe Solomon, ow leverel,

1 Myghternedh 8:25

Ytho lemmyn, A Arloedh, Duw Ysrael, gwith rag dha was ow thas Davydh an pyth a leversys dhodho, ow leverel, “Ny fyll dhis nevra gour dhe esedha a-ragov war dron Ysrael, mar mynn dha fleghes gwitha aga fordh, dhe gerdhes a-ragov par dell gerdhsys a-ragov.”

1 Kroniklys 22:10

Ev a dhrehav chi rag ow hanow; ev a vydh mab dhymm ha my a vydh tas dhodho; ha my a fast tron y vyghterneth war Ysrael bys vykken.”

1 Kroniklys 28:9

‘Ha ty, Solomon ow mab, aswonn Duw dha das, ha'y servya a leun golonn ha gans brys bolonjedhek; rag an Arloedh a hwither oll kolonnow, hag ev a gonvedh pub towl ha pub preder. Mara'n hwilydh, ev a vydh kevys genes; mes mara'n eskasydh, ev a'th tenagh bys vykken.

Salmow 132:12

Mar kwra dha fleghes synsi ow hevambos, ha'm dustuniow a dhyskav dhedha, aga fleghes ynwedh bynitha a vydh esedhys war dha dron.’

Yeremia 7:5

Rag mar kwellhowgh yn hwir agas fordhow ha'gas gwriansow; mar kwrewgh breusi yn hwir yntra gour ha'y gentrevek;

Zekaria 3:7

‘Yndellma y lever Arloedh an luyow: Mar kerdhydh y'm fordhow ha gwitha ow charj, ena ty a wra governa ow chi ha gwitha ow klosyow, ha my a re dhis awtorita dhe dhos ha mos yn mysk an re usi ow sevel omma.

Kolossianys 1:23

mar kwrewgh pesya krev y'n fydh, grondys ha fyrv, heb bos removyes dhiworth govenek an aweyl a glewsowgh, pregewthys yn oll kreasyon yn-dann nev, ha my Powl, eth ha bos menyster anedhi.