1 Myghternedh 4:34 - An Bibel Kernewek 20234 (Kernewek Kemmyn)

³⁴ Tus a dho a'n kenedhlow oll rag klewes furneth Solomon; i a dho a vyghternedh oll an nor re glewsa a'y furneth.

1 Myghternedh 4:34 ပူးပေါင်းရင်းမြစ်များ

1 Myghternedh 10:1

Pan glewas myghternes Sheba a vri Solomon (bri drefenn hanow an Arloedh), hi a dheuth dh'y brevi gans govynnow kales.

1 Myghternedh 4:33

Ev a gewsi a wydh, dhiworth an keder usi yn Lebanon bys y'n hyssop a dyv y'n fos; ev a gewsi a enyvales, hag ydhyn, ha kramviles, ha puskes.

2 Kroniklys 9:1

Pan glewas myghternes Sheba a vri Solomon, hi a dheuth dhe Yerusalem rag ma'n proffa gans govynnow kales, ha gensi koskordh pur vras, kowrvergh ow toen spisyow, ha kals a owr ha meyn drudh. Pan dheuth dhe Solomon, hi a gewsis ganso a bup-tra esa yn hy brys.

2 Kroniklys 9:23

Oll myghternedh an norvys a hwila bos gans Solomon rag klewes y furneth, a worrsa Duw yn y vrys.

Ysay 2:2

Y'n dydhyow diwettha menydh chi an Arloedh a vydh fastys avel penn an menydhyow; hag y fydh drehevys yn-bann dres an breow, hag oll an kenedhlow a dheu dhodho yn fros.

Zekaria 8:23

Yndellma y lever Arloedh an luyow: Y'n dydhyow na deg gour dhiworth oll yethow an kenedhlow a dhalghenn lostenn an goen a wour yedhowek, ow leverel, ‘Deun ni genowgh hwi, rag ni re glewas bos Duw genowgh.’