1 Myghternedh 4:30 - An Bibel Kernewek 20234 (Kernewek Kemmyn)

³⁰ may feu furneth Solomon moy es furneth oll pobel an duryen hag oll furneth Ejyp.

1 Myghternedh 4:30 ပူးပေါင်းရင်းမြစ်များ

Jenesis 25:6

Ha dhe vebyon y iswragedh, Abraham a ros rohow ha'ga dannvon dhe-ves dhiworth y vab Ysak, hag ev hwath yn few, dhe'n est, troha pow an est.

Jenesis 29:1

Ena Yakob eth yn-kerdh ha mos dhe bow mebyon an howldrevel.

1 Myghternedh 10:23

Myghtern Solomon a worbassyas oll myghternedh an bys yn kevoeth hag yn furneth.

Job 1:3

Ev a'n jevo seyth mil dhavas, tri mil gowrvargh, pymp kans kopel a oghen, ha pymp kans asen benow ha palster a servysi, mayth o an gour ma an brassa yn mysk oll tus an Est.

Ekklesiastes 1:16

My a leveris y'm kolonn, ‘My re dheuth ha bos meur, ha furra ages oll an re esa dres Yerusalem kyns ow thermyn vy: ow holonn re brederis a furneth ha skians.’

Ezekiel 25:4

rakhenna awottavy orth dha ri dhe vebyon an est rag perghennogeth. I a sett aga hampow ynnos ha drehevel aga thyldow ynnos; i a dheber dha froeth, hag i a yv dha leth.

Daniel 1:20

Yn pub mater a furneth po a gonvedhes hag a veu govynnys dhiworta gans an myghtern, ev a's kavas deg gweyth gwell ages oll an hudoryon ha'n worhenysi esa yn y ruvaneth oll.

Daniel 4:7

Ena y teuth an hudoryon, an worhenysi, an Kaldeanys, ha'n goelyogyon; ha my a dherivas dhedha an hunros, mes ny yllens diskwedhes dhymm y styr.

Matthew 2:1

Ha pan veu Yesu genys yn Bethlehem Yudi yn dydhyow myghtern Herod, awotta, tus fur a dheuth dhiworth an howldrevel dhe Yerusalem,

Matthew 2:16

Ena Herod ow kweles ges dhe vos gwrys anodho gans an dus fur o meur serrys hag a dhannvonas ha ladha oll an fleghes esa yn Bethlehem hag yn oll an pow a-dro, a dhew vloedh ha le ages henna, herwydh an termyn a dhys'sa gans an dus fur.

Oberow 7:22

Ha Moyses a veu dyskys yn oll skentoleth an Ejyptianys, ha nerthek o yn y eryow ha'y oberow.

Breusysi 6:33

Ena oll a Midyanysi ha'n Amalekysi ha mebyon an est a dheuth war-barth, hag ow treusi an avon i a gampyas yn nans Yezreel.