1 Myghternedh 4:29 - An Bibel Kernewek 20234 (Kernewek Kemmyn)

²⁹ Duw a ros dhe Solomon furneth veur, konvedhes ha helder kolonn, kepar ha'n tewes war an vorlann,

1 Myghternedh 4:29 ပူးပေါင်းရင်းမြစ်များ

Jenesis 41:49

Yosep a vernyas ys kepar ha tewes an mor, orth y gressya yn feur, bys pan astelas nivera, rag heb niver veu.

1 Myghternedh 3:12

my a wra lemmyn herwydh dha er. Yn tevri, my a re dhis kolonn fur ha meur hy honvedhes; nyns esa denvyth avellos a-ragos ha ny sev denvyth avellos war dha lergh.

1 Myghternedh 3:28

Ysrael oll a glewas a'n vreus re rosa an myghtern; hag i a ownas an myghtern, drefenn i dhe weles bos furneth Duw ynno, dhe wul barn.

1 Myghternedh 4:20

Yuda hag Ysrael o diniver avel tewes an vorlann; i a dhybri hag eva ha lowen ens.

Salmow 119:32

Poenya a wrav yn fordh dha worhemmynnow, pan redh jy kennerth dhe'm kolonn.

Salmow 119:34

Gwra dhymm konvedhes, ha my a with dha lagha; devri my a'n syns a leun golonn.

Lavarow Koth 2:6

Rag an Arloedh a re furneth, a'y anow y teu godhvos ha konvedhes,

Ekklesiastes 1:16

My a leveris y'm kolonn, ‘My re dheuth ha bos meur, ha furra ages oll an re esa dres Yerusalem kyns ow thermyn vy: ow holonn re brederis a furneth ha skians.’

Ekklesiastes 2:26

Rag dhe neb yw plegadow dhodho, Duw a re furneth ha godhvos ha plesour, mes dhe'n peghador ev a re an oberenn a guntell ha bernya rychys hag ena dhe ri an keth henna dhe biwpynag a vo plegadow dhe Dhuw. Hemma ynwedh yw euveredh ha chasya war-lergh an gwyns.

Ysay 60:5

Ena ty a wel ha splanna; dha golonn a gren gans joy hag efani, rag palster an mor a vydh dres dhis, ha rychys an kenedhlow a dheu dhis.

Yeremia 33:22

Dell na yllir nivera lu nev, na musura tewes an mor, yndellma my a ynkress has Davydh ow gwas, ha'n Levysi a venyster dhymm.

Daniel 2:21

Ev a dreyl an prysyow ha'n sesonyow; ev a remov myghternedh ha sevel myghternedh; ev a ro furneth dhe'n re fur, ha godhvos dhe'n re a woer konvedhes.

Habakkuk 1:9

rag ravna i oll a dheu: i a dheu yn-rag yn aga leunder avel gwyns an howldrevel, ow kuntell kethyon avel tewes.

Jamys 1:17

Pub ro da ha pub ro perfydh a dhiyskynn dhiworth a-wartha, ow tos yn-nans dhiworth an Tas a wolowys ha nyns eus chanj na skeus treylyans ganso.

Jamys 1:5

Mes mar fyll furneth dhe nebonan ahanowgh, govynnes ev orth Duw a re dhe bub den yn hel, heb keredhi, hag y fydh res dhodho.

Jamys 3:17

Mes an furneth a-wartha yw kyns oll glan, ena ow kara kres, klor, es y berswadya, leun a versi ha frut da, heb faverans, heb falsuri.

Breusysi 7:12

An Midyanysi ha'n Amalekysi hag oll mebyon an est a wrowedha y'n nans avel hes a lokustes; ha'ga howrvergh o diniver, avel tewes an morrep.