1 Myghternedh 4:25 - An Bibel Kernewek 20234 (Kernewek Kemmyn)

²⁵ Hag yth esa Yuda hag Ysrael trigys yn sawder dydhyow oll Solomon, peub yn-dann y winbrenn hag yn-dann y figbrenn, dhiworth Dan bys yn Beer-sheba.

1 Myghternedh 4:25 ပူးပေါင်းရင်းမြစ်များ

2 Samuel 17:11

Rakhenna, my a gusul, bedhes oll Ysrael kuntellys dhis, dhiworth Dan bys yn Beer-sheba, kepar ha'n tewes usi ryb an mor yn niver, ha ty dha honan ow mos y'n vatel.

2 Samuel 24:15

Ytho an Arloedh a dhannvonas pla war Ysrael dhiworth an myttin na bys y'n termyn apoyntys, hag y ferwis ena a'n bobel dhiworth Dan bys yn Beer-sheba deg ha tri-ugens a vilyow a dus.

2 Myghternedh 18:31

Na woslowewgh orth Hezekia; rag yndella y lever myghtern Assyria: “Gwrewgh kres genev ha dewgh yn-mes dhymm; ena dybres pub den dhiworth y winbrenn y honan ha dhiworth y figbrenn y honan, hag eva dowr dhiworth y dhowrargh y honan,

1 Kroniklys 22:9

Awotta, mab a vydh genys dhis; ev a vydh gour a bowes ha my a re dhodho powes dhiworth oll y eskerens a-dhedro. Y hanow a vydh Solomon, ha my a re kres ha diogeledh dhe Ysrael yn y dhydhyow.

Ysay 36:16

Na woslowewgh orth Hezekia; rag yndellma y lever myghtern Assyria: “Omrewgh ha dewgh yn-mes dhymm. Ena pubonan a dheber a'y winbrenn y honan ha'y figbrenn y honan ha pubonan a yv a'y buth y honan,

Ysay 60:18

Freudh ny vydh klewys byth moy y'th tiredh, na terroes na distruyans y'th oryon, mes ty a elow dha fosow Selwyans, ha'th yetys Gormola.

Ezekiel 38:11

Ty a lever, ‘Yth av yn-bann erbynn tir a drevow heb fosow; my a dheu erbynn an dus kosel, trigys yn sawder, i oll trigys heb fosow, heb barrys na yetys dhedha’,

Ezekiel 39:26

I a ankev aga meth hag oll an dislelder a wrussons er ow fynn, pan vydhons trigys yn sawder yn aga thir, heb denvyth dhe worra own ynna.

Mika 4:4

Pub den a esedh yn-dann y winbrenn hag yn-dann y figbrenn y honan, ha denvyth ny wra dhodho perthi own; rag ganow Arloedh an luyow re gewsis.

Zekaria 3:10

Y'n jydh na, yn-medh Arloedh an luyow, pubonan a wra gelwel y gentrevek dhe esedha yn-dann y winbrenn ha'y figbrenn.’

Breusysi 20:1

Ena oll mebyon Ysrael a dheuth yn-mes, dhiworth Dan bys yn Beer-sheba, yn aga mysk pow Gilead, ha'n bobel a omguntellas yn unn bagas a-rag an Arloedh yn Mispa.

1 Samuel 3:20

Hag oll Ysrael dhiworth Dan bys yn Beer-sheba a wodhya bos Samuel apoyntys profoes lel a'n Arloedh.