1 Myghternedh 3:6 - An Bibel Kernewek 20234 (Kernewek Kemmyn)

⁶ Ha Solomon a leveris, ‘Ty re dhiskwedhas dhe'th was Davydh ow thas tregeredh veur, drefenn ev dhe gerdhes a-ragos yn gwiryonedh, yn lenduri hag ewnhynseth an golonn genes; ha ty re'n gwithas rag an kuvder meur ma, ha ri mab dhodho dhe esedha war y dron hedhyw.

1 Myghternedh 3:6 ပူးပေါင်းရင်းမြစ်များ

Jenesis 24:40

Hag yn-medh ev dhymm, “An Arloedh, mayth esov ow kerdhes dheragdho, a dhannvon y el genes, ha ty a gemmer gwreg rag ow mab dhiworth ow theylu, ha dhiworth chi ow thas.

2 Samuel 22:21

An Arloedh re'm gobras war-lergh ow ewnder; war-lergh glander ow diwleuv yth attylis ev dhymm.

2 Samuel 22:25

An Arloedh re attylis dhymm herwydh ow ewnder, herwydh glander ow diwleuv yn y wolok ev.

2 Samuel 7:5

Ke ha lavar dhe'm gwas Davydh: Yndellma y lever an Arloedh: A dhrehevydh ragov chi dhe driga ynno?

1 Myghternedh 1:48

Hag ynwedh an myghtern a leveris, “Benniges yw an Arloedh, Duw Ysrael, neb re ros nebonan dhe esedha war ow thron hedhyw, ha'm dewlagas ynwedh dh'y weles.” ’

1 Myghternedh 15:5

drefenn Davydh dhe wul an pyth o ewn yn golok an Arloedh ha ny dreylyas a-denewen a dravyth a worhemmynnis dydhyow oll y vewnans, marnas yn mater Uria an Hittyas.

1 Myghternedh 2:4

may kewerro an Arloedh y er a veu kewsys ganso y'm kever, ow leverel, “Mar kwra dha fleghes gwitha aga fordh, ow kerdhes a-ragov yn gwiryonedh gans oll aga holonn ha gans oll aga enev, ny fyll dhis gour war dron Ysrael.”

1 Myghternedh 3:14

Mar kerdhydh y'm fordhow, ow kwitha ow ordenansow hag ow gorhemmynnow, dell gerdhi dha das Davydh, ena my a ystynn dha dhydhyow.’

1 Myghternedh 9:4

Ha ty, mar kerdhydh a-ragov, par dell gerdhi dha das Davydh, gans kolonn lan hag ewnhynseth, ow kul herwydh pup-tra a worhemmynnis dhis, hag ow kwitha ow ordenansow ha'm breusow,

2 Myghternedh 20:3

‘Porth kov lemmyn, A Arloedh, my a'th pys, a fatell gerdhis a-dherag dhis yn gwiryonedh hag a leun golonn, hag a wrug an pyth yw da y'th wel.’ Hag ev a oelas yn hwerow.

2 Kroniklys 1:8

Solomon a leveris dhe Dhuw, ‘Ty re dhiskwedhas tregeredh veur dhe'm tas Davydh, ha ty re'm wrug myghtern yn y le.

Salmow 116:7

Dehwel dhe'th powesva, ow enev, rag an Arloedh re beu da orthis.

Salmow 119:17

Bydh hel orth dha was, rag may pewiv, ha synsi dha er.

Salmow 13:6

My a gan dhe'n Arloedh, rag ev re beu hel orthiv.

Salmow 15:2

Neb a gerdh heb namm, ha gul ewnder, ha kewsel gwirder yn y golonn;

Niverow 12:7

Nansi gans ow gwas Moyses; ev yw len yn oll ow chi.

2 Korinthianys 9:11

gwrys vydhowgh rych, yn oll sempledh, ha'n siwyans a henna a vydh grasyans dhe Dhuw dredhon ni,

2 Korinthianys 9:5

Rakhenna, dell dybis vy, res o pysi an vreder a vos yn-rag dhywgh dhe ordena a-brys an ro hel dedhewys genowgh; y'n fordh ma parys vydh avel ro hel, ha ny vydh avel neppyth kemmerys dre nerth.