1 Myghternedh 3:28 - An Bibel Kernewek 20234 (Kernewek Kemmyn)

²⁸ Ysrael oll a glewas a'n vreus re rosa an myghtern; hag i a ownas an myghtern, drefenn i dhe weles bos furneth Duw ynno, dhe wul barn.

1 Myghternedh 3:28 ပူးပေါင်းရင်းမြစ်များ

1 Myghternedh 10:9

Benniges re bo an Arloedh dha Dhuw a lowenhas ynnos ha'th worra war dron Ysrael! Drefenn an Arloedh dhe'th kara bys vykken, ev a'th wrug myghtern dhe wul gwirvreus hag ewnhynseth.’

1 Myghternedh 3:27

Ena an myghtern a worthybis: ‘Ro dhe'n kynsa benyn an maw bew; na'n ladh. Hi yw y vamm.’

1 Myghternedh 4:1

Myghtern Solomon o myghtern war oll Ysrael,

1 Kroniklys 29:24

Oll an soedhogyon ha'n gasoryon, hag ynwedh oll mebyon myghtern Davydh, a ambosas aga lelder dhe vyghtern Solomon.

Ezra 7:25

Ha ty, Ezra, herwydh furneth dha Dhuw, usi yn dha leuv, orden justisyow ha breusysi, a yll breusi oll an dus usi y'n rannvro Dres-an-Avon, oll an re a aswonn laghys dha Dhuw; ha dyskewgh neb na's aswonn.

Salmow 72:2

Re vreusso ev dha bobel gans ewnder, ha'th voghosogyon gans gwirvreus.

Salmow 72:4

Re vreusso ev an voghosogyon yn mysk an bobel, ha sawya mebyon an den edhommek, ha brewi an den a'm gwask.

Eksodus 14:31

Hag Ysrael a welas an ober meur a wrug an Arloedh erbynn an Ejyptianys, ha'n bobel a borthas own a'n Arloedh; hag i a grysis y'n Arloedh hag yn y was Moyses.

Lavarow Koth 16:10

Yma erviransow dre dhewinieth war dhiwweus myghtern, ny vydh y anow dislel erbynn gwirvreus.

Lavarow Koth 24:21

Ow mab, porth own a'n Arloedh ha'n myghtern, ha na omvysk gans an eyl na'y gila.

Lavarow Koth 25:2

Glori Duw yw gwitha taklow kudhys, mes glori myghternedh yw aga diskudha.

Lavarow Koth 8:15

Dredhov myghternedh a reyn, ha rewloryon a orden an pyth yw ewn;

Ekklesiastes 7:19

Furneth a re nerth dhe dhen fur, moy es deg rewler usi yn sita.

Ysay 28:6

ha spyrys a wirvreus dhe neb a esedh yn breus, ha nerth dhe'n re a dreyl an vatel dhe-ves dhiworth an yet.

Daniel 1:17

Dhe'n peswar mab ma, Duw a ros dyskans ha skians yn pub lyenn ha furneth; ha Daniel a gonvedhi pub gwelesigeth ha hunros.

Daniel 2:21

Ev a dreyl an prysyow ha'n sesonyow; ev a remov myghternedh ha sevel myghternedh; ev a ro furneth dhe'n re fur, ha godhvos dhe'n re a woer konvedhes.

Daniel 2:47

Yn-medh an myghtern dhe Daniel, ‘Yn hwir yth yw dha Dhuw Duw a dhuwow, hag Arloedh a vyghternedh, ha diskudher a gevrinyow, rag ty re allas diskudha an kevrin ma.’

Daniel 5:11

yma y'th ruvaneth gour hag ynno spyrys an duwow sans. Yn dydhyow dha das y feu kevys ynno golow, skians ha furneth, avel furneth an duwow. Myghtern Nebukadnessar, dha das, a'n gwrug penn an hudoryon, an worhenysi, an Kaldeanys, ha'n goelyogyon;

1 Korinthianys 1:24

mes dhe'n re neb yw selwys, keffrys Yedhewon ha Grekys, Krist nerth Duw ha skentoleth Duw.

1 Korinthianys 1:30

Anodho ev yth esowgh hwi yn Krist Yesu, neb a dheuth ha bos ragon ni skentoleth dhiworth Duw, hag ewnder ha sansheans ha daspren.

Kolossianys 2:2

may fons kennerthys yn aga holonn, ow pos junys war-barth yn kerensa hag y'n rychys oll a'n surheans leun a gonvedhes, rag aswonnvos a'n mysteri a Dhuw, a Grist;

Kolossianys 2:3

yn neb yma kudhys pub tresor a furneth ha godhvos.

Yoshua 4:14

Y'n jydh na an Arloedh a veurhas Yoshua yn golok oll Ysrael; hag i a berthi own anodho dell berthens own a Moyses, oll dydhyow y vewnans.

1 Samuel 12:18

Ytho Samuel a elwis dhe'n Arloedh, ha'n Arloedh a dhannvonas taran ha glaw an jydh na; hag oll an bobel a borthas own bras a'n Arloedh hag a Samuel.