1 Myghternedh 3:15 - An Bibel Kernewek 20234 (Kernewek Kemmyn)

¹⁵ Ena Solomon a dhifunas; hunros o. Ev a dheuth dhe Yerusalem le may sevis a-rag argh kevambos an Arloedh. Ev a offrynnas offrynnow leskys hag offrynnow kres, ha provia gwledh rag oll y wesyon.

1 Myghternedh 3:15 ပူးပေါင်းရင်းမြစ်များ

Jenesis 28:16

Ena Yakob a dhifunas a'y gosk ha leverel, ‘Yn sur, yma an Arloedh y'n tyller ma, ha ny'n godhyen vy.’

Jenesis 31:54

Ena Yakob a wrug sakrifis war an menydh ha gelwel y vreder dhe dhybri bara, hag i a dhybris bara ha gortos dres nos war an menydh.

Jenesis 40:20

Y'n tressa dydh, penn-bloedh Faro, ev a wrug kevewi rag oll y wesyon hag ughelhe penn chyf an hanaforyon ha penn chyf an beboryon yn mysk y wesyon,

Jenesis 41:7

Ha'n pennow-ys tanow a lonkas an seyth tew ha leun. Faro a dhifunas hag otta, hunros ova.

1 Myghternedh 3:16

Ena diw venyn o horys a dheuth dhe'n myghtern ha sevel a-ragdho.

1 Myghternedh 8:63

Solomon a offrynnas avel offrynn kres dhe'n Arloedh dew warn ugens a ojyon ha hwegh-ugens mil a dheves. Ytho an myghtern hag oll an Ysraelysi a sakras chi an Arloedh.

1 Myghternedh 8:65

Ytho Solomon a withas an goel y'n prys na, hag Ysrael oll ganso, kuntelles meur, a Lebo-hamath bys yn nans Ejyp, a-rag an Arloedh, seyth dydh.

1 Kroniklys 16:3

hag ev a lesrannas dhe oll Ysrael, dhe bub gour ha benyn, torth-vara, rann a gig ha tesenn-rappys.

2 Kroniklys 7:5

Myghtern Solomon a offrynnas avel sakrifis dew vil warn ugens a ojyon, ha hweg ugens mil dhavas. Yndella an myghtern hag oll an bobel a sakras chi Duw.

Ester 1:3

yn tressa blydhen y reyn, ev a wrug kevewi rag y bennsevigyon ha'y wesyon oll; hag yth esa a-ragdho nerth Persia ha Media, ugheloryon ha gwahalyethow an rannvroyow.

Yeremia 31:26

War hemma my a dhifunas ha mires, hag ow hosk o hweg dhymm.

Daniel 5:1

Belshassar an myghtern a wrug kevewi bras rag mil a'y arlydhi, hag eva gwin a-rag an mil.

Niverow 12:6

Hag ev a leveris, ‘Klewewgh ow geryow: Mars eus profoes yntredhowgh, my an Arloedh a vydh aswonnys dhodho yn gwelesigeth, my a gews orto yn hunros.

Mark 6:21

Ha pan o devedhys dydh gwiw, Herod a wrug gwledh yn y benn-bloedh dh'y dus vras, dh'y benn-gaptenyon ha dhe welhevin Galile;