1 Myghternedh 3:14 - An Bibel Kernewek 20234 (Kernewek Kemmyn)

¹⁴ Mar kerdhydh y'm fordhow, ow kwitha ow ordenansow hag ow gorhemmynnow, dell gerdhi dha das Davydh, ena my a ystynn dha dhydhyow.’

1 Myghternedh 3:14 ပူးပေါင်းရင်းမြစ်များ

1 Myghternedh 11:34

Byttegyns ny gemmerav an wlaskor oll a'y leuv mes my a'n sett avel pennsevik oll dydhyow y vewnans, a-barth ow gwas Davydh, neb a dhewisis, neb a withas ow gorhemmynnow ha'm ordenansow;

1 Myghternedh 15:5

drefenn Davydh dhe wul an pyth o ewn yn golok an Arloedh ha ny dreylyas a-denewen a dravyth a worhemmynnis dydhyow oll y vewnans, marnas yn mater Uria an Hittyas.

1 Myghternedh 3:3

Solomon a garas an Arloedh, ow kerdhes yn ordenansow Davydh y das: saw y hwre ev ladha ha leski sakrifisow y'n tylleryow ughel.

1 Myghternedh 3:6

Ha Solomon a leveris, ‘Ty re dhiskwedhas dhe'th was Davydh ow thas tregeredh veur, drefenn ev dhe gerdhes a-ragos yn gwiryonedh, yn lenduri hag ewnhynseth an golonn genes; ha ty re'n gwithas rag an kuvder meur ma, ha ri mab dhodho dhe esedha war y dron hedhyw.

1 Kroniklys 28:7

My a fast y vyghterneth bys vykken mar pydh hardh ow kwitha ow gorhemmynnow ha'm breusow, dell wra y'n jydh ma.”

1 Kroniklys 28:9

‘Ha ty, Solomon ow mab, aswonn Duw dha das, ha'y servya a leun golonn ha gans brys bolonjedhek; rag an Arloedh a hwither oll kolonnow, hag ev a gonvedh pub towl ha pub preder. Mara'n hwilydh, ev a vydh kevys genes; mes mara'n eskasydh, ev a'th tenagh bys vykken.

2 Kroniklys 29:2

Ev a wrug an pyth o ewn yn golok an Arloedh, kepar dell wrug Davydh y das.

2 Kroniklys 34:2

Ev a wrug an pyth o ewn yn golok an Arloedh, hag a gerdhas yn fordhow Davydh y das; ny dreylyas dhe denewen naneyl dhe'n dyghow na dhe'n kledh.

Salmow 132:12

Mar kwra dha fleghes synsi ow hevambos, ha'm dustuniow a dhyskav dhedha, aga fleghes ynwedh bynitha a vydh esedhys war dha dron.’

Salmow 21:4

Ev a wovynnas bewnans orthis, ha ty a'n ros dhodho, dydhyow hir bys vykken ha bynnari.

Salmow 21:5

Meur yw y wolewder ev y'th selwyans; ty a worr splannder ha meuredh warnodho.

Salmow 91:16

Bewnans hir a rov dhodho, ha diskwedhes dhodho ow selwyans.

Lavarow Koth 3:16

Yma hirder dydhyow yn hy leuv dhyghow; yn hy leuv gledh yma golusogneth hag enor.

Lavarow Koth 3:2

rag hirder a dhydhyow ha blydhynyow a vewnans ha kres a vydh keworrys dhis.

Zekaria 3:7

‘Yndellma y lever Arloedh an luyow: Mar kerdhydh y'm fordhow ha gwitha ow charj, ena ty a wra governa ow chi ha gwitha ow klosyow, ha my a re dhis awtorita dhe dhos ha mos yn mysk an re usi ow sevel omma.

Oberow 13:22

Ha wosa y remova, ev a dhrehevis Davydh dhe vos aga myghtern; anodho ev a leveris, ow tustunia, “My re gavas bos Davydh mab Yesse gour war-lergh ow holonn, neb a vynn gul oll ow bodh.”

Dewteronomi 25:15

Poes kowal hag ewn y fydh dhis, hag efa kowal hag ewn y fydh dhis, may fo dha dhydhyow hir war an tir a wra an Arloedh dha Dhuw y ri dhis.

Dewteronomi 5:16

Enor dha das ha dha vamm dell worhemmynnis an Arloedh dha Dhuw dhis, rag may fo dha dhydhyow hir, ha rag may fo yn ta dhis war an tir a wra an Arloedh dha Dhuw y ri dhis.

Dewteronomi 5:33

Kerdhewgh yn pub fordh a worhemmynnis an Arloedh agas Duw dhywgh, rag may fewowgh ha may fo yn ta dhywgh ha may fo agas dydhyow hir y'n tir a eritowgh.

1 Timothi 4:8

rag lavur an korf yw nebes dhe les, mes sansoleth yw dhe les rag pup-tra, gans ambos bewnans y'n termyn ma hag yn termyn a dheu.