1 Myghternedh 3:11 - An Bibel Kernewek 20234 (Kernewek Kemmyn)

¹¹ Ha Duw a leveris dhodho, ‘Drefenn ty dhe wovynn hemma, ha drefenn na wovynnsys dhe'th honan bewnans hir na kevoeth, na bewnans dha eskerens, mes govynn ragos dha honan konvedhes dhe venystra barn,

1 Myghternedh 3:11 ပူးပေါင်းရင်းမြစ်များ

1 Myghternedh 3:10

Plegadow o an kows ma dhe'n Arloedh, Solomon dhe wovynn an dra ma.

1 Myghternedh 3:28

Ysrael oll a glewas a'n vreus re rosa an myghtern; hag i a ownas an myghtern, drefenn i dhe weles bos furneth Duw ynno, dhe wul barn.

1 Myghternedh 3:9

Ro dhe'th was ytho kolonn a yll konvedhes rag barna dha bobel ha dissernya yntra da ha drog; rag piw a yll barna dha bobel mar veur ma?’

2 Kroniklys 1:11

Duw a worthybis dhe Solomon, ‘Drefenn bos hemma y'th kolonn, ha ny byssys dhiworthiv pythow, rychys, glori, na bewnans an re a'th kas, ha pella ny byssys dhiworthiv bewnans hir, mes ty re bysis furneth ha godhvos ragos dha honan, rag may hylli rewlya ow fobel ma'th wrug vy myghtern warnedha,

Salmow 4:6

Lies huni a lever, ‘Piw a dhiskwa dader dhyn ni? Drehav warnan golow dha fas, A Arloedh.’

Lavarow Koth 16:31

Blew loes yw kurun a enor; kevys yw y'n fordh a ewnder.

Yeremia 45:5

Ha ty, a hwilydh traow meur dhe'th honan? Na's hwila; rag my a dhre anfeusi war oll kneus, yn-medh an Arloedh; mes my a re dhis dha vewnans avel preydh yn pub tyller mayth ylli.’

Romanyon 8:26

Ynwedh an Spyrys a'gan gweres yn agan gwannder, rag ny wodhon fatell byssyn dell dhegoedh, mes an Spyrys y honan a bys ragon gans kyni dres leverel.