1 Myghternedh 22:8 - An Bibel Kernewek 20234 (Kernewek Kemmyn)

⁸ Myghtern Ysrael a leveris dhe Yehoshafat, ‘Yma hwath ken onan may kovynnyn a'n Arloedh dredho, Mikaya mab Ymla; mes my a'n kas, rag ny dhargan dader dhymm, marnas drog.’ Yehoshafat a leveris, ‘Na leveres an myghtern tra a'n par na.’

1 Myghternedh 22:8 ပူးပေါင်းရင်းမြစ်များ

Jenesis 37:8

Hag yn-medh y vreder dhodho, ‘A vydhydh ow reynya warnan yn hwir? Po a vydhydh orth agan rewlya?’ Ytho i a'n kasas hwath dhe voy drefenn y hunrosow ha'y eryow.

1 Myghternedh 18:4

pan esa Yezebel ow ladha profoesi an Arloedh, Obadia a gemmersa kans profoes, aga hudha yn mogowyow, hanter kans yn pubonan, ha'ga sostena gans bara ha dowr.

1 Myghternedh 19:10

Ev a worthybis, ‘My re beu pur dhiwysyk rag an Arloedh, Duw an luyow, rag an Ysraelysi re eskasas dha gevambos, terri dha alteryow, ha ladha dha brofoesi gans an kledha. Nyns eus nagonan gesys marnas my, hag ymons ow hwilas ow bewnans, dh'y gemmeres dhe-ves.’

1 Myghternedh 19:14

Ev a worthybis, ‘My re beu pur dhiwysyk rag an Arloedh, Duw an luyow; rag an Ysraelysi re eskasas dha gevambos, terri dha alteryow, ha ladha dha brofoesi gans an kledha. Nyns eus nagonan gesys marnas my, hag ymons ow hwilas ow bewnans, dh'y gemmeres dhe-ves.’

1 Myghternedh 21:20

Ahab a leveris dhe Elias, ‘A'm kevsys, ow eskar?’ Ev a worthybis, ‘My re'th kavas. Drefenn ty dhe wertha dha honan dhe wul an pyth yw drog yn golok an Arloedh,

1 Myghternedh 22:13

An gannas gyllys dhe elwel Mikaya a leveris dhodho, ‘Mir, geryow an brofoesi gans unn akord yw faveradow dhe'n myghtern; bedhes dha er, my a'th pys, haval dhe onan anedha, ha kewsel yn ewn.’

1 Myghternedh 22:18

Myghtern Ysrael a leveris dhe Yehoshafat, ‘A ny leveris dhis na dhargana dader dhymm, marnas drog?’

1 Myghternedh 22:27

ha leverel, “Yndellma y lever an myghtern: Gorr an gwas ma y'n prison, ha'y voesa orth ewnrannow lehes a vara hag a dhowr bys pan dhov yn kres.” ’

1 Myghternedh 22:7

Mes Yehoshafat a leveris, ‘A nyns eus omma profoes arall an Arloedh may kovynnyn anodho?’

1 Myghternedh 22:9

Ena myghtern Ysrael a elwis spadhesik ha leverel, ‘Doro yn uskis Mikaya mab Ymla.’

2 Myghternedh 9:22

Pan welas Yoram Yehu, ev a leveris, ‘Eus kres, Yehu?’ Hag ev a worthybis, ‘Py kres, ha kemmys horyansow dha vamm Yezebel ha'y fystriow pals?’

2 Kroniklys 36:16

mes i a wre ges a gannasow Duw, ow tispresya y eryow, hag ow skornya y brofoesi, bys pan o gyllys konnar an Arloedh orth y bobel mar vras, ma nag esa remedi.

Salmow 34:21

Droktra a ladh an tebelwas, ha'n re a gas an den gwiryon a vydh kessydhys.

Lavarow Koth 15:12

Ny gar skornyer bos keredhys; ny vynn mos dhe'n dus fur.

Lavarow Koth 29:10

Gwer woesek a gas an den divlam, hag i a hwila bewnans an re ewnhynsek.

Lavarow Koth 9:8

Na geredh skornyer poken ev a'th kas; keredh den fur hag ev a'th kar.

Ysay 3:11

Go-ev an tebelwas, drog a'n jevydh; drefenn war-lergh ober y dhiwleuv y fydh gwrys dhodho ev.

Ysay 30:10

neb a lever dhe'n welesydhyon, ‘Na welewgh’, ha dhe'n brofoesi, ‘Na brofoesewgh dhyn an gwir, kewsewgh orthyn taklow fekyl, profoesewgh husow;

Ysay 49:7

Yndellma y lever an Arloedh, Dasprenyas Ysrael, ha'y Sans, dhodho ev neb yw dispresys fest yn town, kasadow dhe'n kenedhlow, keth rewloryon: ‘Myghternedh a wel hag a sev, ha pennsevigyon a ombleg dhe'n dor, drefenn an Arloedh neb yw lel, an Sans a Ysrael, neb re'th tewisas.’

Yeremia 18:18

Ena i a leveris, ‘Dewgh, ha tewlel towlow erbynn Yeremia; rag ny vydh kellys an lagha dhiworth an oferyas, na kusul dhiworth an re fur, na'n ger dhiworth an profoes. Dewgh ha'y weskel gans an taves, ha na woslowyn dhe nagonan a'y eryow.’

Yeremia 20:10

Rag my a glewas kabel lies huni: ‘Euth a bub tu! Kuhudh e, gwren y guhudha.’ Yth esa oll ow neskerens ow kwaytya my dhe drebuchya, ow leverel, ‘Martesen ev a vydh dynys, ha ni a wra y fetha, ha tyli agan dial warnodho.’

Yeremia 36:23

Dell lennas Yehudi teyr po peder folenn, ev a's troghas gans kellyllik ha'ga thewlel y'n tan y'n oeles, bys pan veu an rol-skrifa gowal kowlleskys y'n tan esa y'n oeles.

Yeremia 38:4

Ytho an bennsevigyon a leveris dhe'n myghtern, ‘Ny a'th pys, gas an gour ma dhe vos gorrys dhe'n mernans, drefenn ev dhe wannhe an soudoryon yw gesys y'n sita ma ha diwleuv oll an bobel, dre gewsel geryow a'n par ma dhedha. Rag ny hwila an gour ma sewena an bobel ma, mes aga fystik.’

Amos 5:10

Kasa a wrons an den a geredh y'n yet, hag aborrya an den a gews an gwirder kowal.

Mika 2:11

Mar kertha gour a-dro ow kowleverel gans gwyns ha gowegneth, ‘My a brofoes dhis a win hag a gorev’, ev a via an profoes rag an bobel ma!

Mika 2:7

Yw chi Yakob milliges? Yw spyrys an Arloedh berrhes? Yw hemma y wriansow ev? A ny wra ow geryow gul da dhe seul a gerdh yn ewnhynsek?

Zekaria 11:8

My a dhileas an tri bugel yn unn mis. My a gollas perthyans gansa, hag i a wrug ow dispresya.

Matthew 10:22

Ha hwi a vydh kesys gans pub den oll a-barth ow hanow, mes neb a dhur bys y'n diwedh, ev a vydh selwys.

Yowann 17:14

My a ros dhedha dha er, ha'n bys a's kasas, rag nyns esons i a'n bys, kepar dell nag esov vy a'n bys.

Yowann 7:7

Ny yll an bys agas kasa, mes ev a'm kas, rag my a dheg dustuni anodho, y wriansow dhe vos drog.

Galatianys 4:16

Ytho a dheuth vy ha bos agas eskar rag my dhe leverel an gwirder dhywgh?